【日本】死而無憾！東京直擊新片謝票：結衣BB望住我呀！
結衣 BB魔法：話咁易就開畫票房No.1 ！
電視日見夜見結衣BB瞓身宣傳新片《乒乓情人夢》，由新垣結衣夥拍瑛太，陣容再加埋廣末涼子、蒼井優、永野芽郁等，套戲星光熠熠，怪不得開畫即奪日本票房No.1 ～
我數過： 結衣 BB望住我10次呀！
足足等了一小時，結衣BB出場梗係好多人尖叫歡呼！謝票場坐第一行，無遮擋，好似捉得到結衣BB～高瘦有氣質，喺嗰日個妝有少少膠，即使係咁，女神忠粉依然不會變心！對眼識放電咁，有圖有真相，我數過結衣BB望住我至少10次呀！
百變結衣：工廠妹、啦啦隊及朱古力妹……
故事：從小接受母親地獄式訓練，人稱「天才乒乓少女」的多滿子(新垣結衣 飾)，在母親過世後就放棄乒乓，長大後偏偏愛上乒乓球手。她以為這是命中注定，誰知男友竟然和混雙拍檔鬼混，令她傷心回鄉。多滿子在瀕臨執笠的乒乓球會遇上因傷退出拳壇的荻原(瑛太 飾)，原來他也被老婆拋棄流落到這鄕下做地盤。兩個敗犬本來狗咬狗骨，但為了重新做人，二人組成了混雙，出戰全日本大賽！
《乒乓情人夢》香港上映日期：11月9日
套戲劇情老正，但真係好好笑！片中有齊結衣BB的工廠妹、啦啦隊及朱古力妹等造型，萌到你心動。最突出的反而係飾演中國乒乓球手的蒼井優，瘋癲行為笑到爆肚。
睇完戲，要搶結衣BB周邊
無劇透唔使嬲，香港11月9日有得睇！結衣BB專業級粉絲去開東京，記得睇完套戲去搶周邊商品！開畫當日在六本木山的戲院：紀念品係。要。搶！
食埋結衣BB……
澀谷的T4 TOKYO Cafe推於期間限定餐單，食到結衣BB食過的激辣麻婆豆腐，仲有超大張poster和心心球拍可以自拍呀，留意只到11月5日咋！
T4 TOKYO Cafe
地址：東京都渋谷区神南1-12-16 ASIA BUILDING 1F/B1F
營業時間：11am-11:30pm
網址：https://t-4.jp/tokyo/
結衣BB，出沒注意！
能夠和結衣BB共處一室，你唔恨得咁多！但平民如你仲有兩個機會可以和結衣BB合照：富士電視台的主題展覽和澀谷主題 Cafe。富士電視台的主題展覽於台場富士電視台25樓的球體展望室舉行，無料免費展出片中乒乓隊球衣、球會場景，仲有波枱畀大家幻想同女神打兩手！
富士電視台
地址： 東京都港區台場2-4-8
開放時間：即日至11月26日 10am-6pm
網址：www.fujitv.co.jp/gotofujitv/hachitama/
下一頁：新垣結衣歷年Cosplay 特集！
延伸閱讀︰平遊東京話咁易 東京住宿攻略
下一頁：2017日本國民好感度最佳女星
