福田美食7大推介 肉蟹煲＋115樓高空日本料理＋巨人份量水果刨冰 附交通詳情
廣告
福田美食推介｜北上成日食嚟食去都係嗰幾間餐廳？其實福田區仲有好多人氣美食等大家發掘，記者為大家整合7大推介，包括：老火湯雞煲、自動旋轉串燒店、即叫即劏肉蟹煲，即睇地址及交通詳情！
福田美食推介｜1. 老船長肉蟹煲
餐廳招牌肉蟹煲包含多隻超新鮮又飽滿肉蟹，更會跟上蝦、雞爪、薯仔、年糕、粟米等多種豐富配料，每一樣都非常入味，再配上秘製醬汁，叫一鍋就可以食幾碗飯！
餐廳詳情
名稱：老船長肉蟹煲（皇庭廣場店）
地址：深圳市福田區福田街道福安社區福華三路118號皇庭廣場L16,17號鋪位
前往方法：深圳地鐵4號線會展中心站D出口步行約5分鐘
營業時間：星期一至五：11:00-15:00 / 17:00-21:30；星期六日：11:00-21:30
福田美食推介｜2. 東洞·韓式小館
無論係店內裝修定係食物味道都好似去咗韓國一樣嘅東洞·韓式小館，菜單選擇多：火山熔岩面包雞、部隊火鍋、拉絲芝士排骨、即製Tiramisu，每一款味道出色之餘外貌亦夠哂打卡able！快啲約埋朋友仔一齊試試！
餐廳詳情
名稱：東洞·韓式小館（福田星河COCO Park店）
地址：深圳市福田區福華三路268號星河COCO Park 3樓
前往方法：深圳地鐵1、3號線購物公園站C出口步行約5分鐘
營業時間：星期一至日：11:30-22:00
福田美食推介｜3. 漁語魚•酸菜魚專門店（卓悅中心One Avenue店）
必叫菜式老壇酸菜鱸魚，除咗份量大又可以根據喜好自由揀配料如：紅薯粉、豆皮、娃娃菜、金針～ 魚肉嫩滑冇骨，湯底酸度辣度適中，小朋友都啱食！另外推薦前菜麻辣魚皮，脆脆咸香，最適合餐前開胃！
餐廳詳情
名稱：漁語魚•酸菜魚專門店（卓悅中心One Avenue店）
地址：深圳市福田區福華路卓悅中心東區B1樓184號鋪
前往方法：深圳地鐵1、10號線崗廈站B出口步行約6分鐘
營業時間：星期一至日：10:30-21:30
福田美食推介｜4. 囍兒甜糖水舖
食完正餐梗要唔可以忘記食甜品啦！呢間人均消費只需人民幣¥25嘅糖水舖每一款甜品份量都係巨人Size，刨冰面頭鋪上色彩繽紛嘅雜果、入面仲有滿滿谷物同仙草，另有超特別斑斕河粉配上奶香十足嘅椰汁底，真係諗下都流晒口水！
餐廳詳情
名稱：囍兒甜糖水舖（福田店）
地址：深圳市福田區福田村牛巷坊46棟101 號鋪
前往方法：深圳地鐵7號線赤尾站D出口步行約10分鐘
營業時間：星期一至日：10:00-03:00
福田美食推介｜5. 白玉串城·朝鮮族烤串
覺得每次燒烤邊食邊睇火又要將食材翻面好煩？呢一間白玉串城就啱晒你～串燒都可以放上去自動轉嘅火爐上面，保證燒得夠均勻！
餐廳詳情
名稱：白玉串城·朝鮮族烤串（卓悅Intown店）
地址：深圳市福田區卓越intown商場2樓L215-217鋪
前往方法：深圳地鐵1、4號線會展中心站 E出口步行約6分鐘
營業時間：中午11時至晚上12時
福田美食推介｜6. 吳秋芳雞煲
吳秋芳雞煲除了有香港人食開嘅辣味雞煲之外，仲有兩款特色雞煲：石橄欖清遠雞煲及無花果脆皮雞煲！煲內放滿木瓜、粟米、紅棗等材料嘅清甜老火湯底，雞肉吸收哂湯底濃厚嘅味道，冬天食可以暖足成日！
餐廳詳情
名稱：吳秋芳雞煲（皇廷廣場店）
地址：深圳市福田區福田街道福安社區福華三路118號皇廷廣場G層50B號鋪
前往方法：深圳地鐵4號綫會展中心C出口步行約5分鐘
營業時間：星期一至日：11:00-23:30
福田美食推介｜7. 六本木田舍家深圳
田舍家位於平安金融中心頂層的115樓，可以邊享用高質日本料理邊欣賞身處500米高空先睇到鳥瞰式深港兩地城市景觀！推薦大家預訂下午5:30左右，咁就好大機會可以享受到日落同絕美夜景，一個價錢兩份體驗！
餐廳詳情
名稱：六本木田舍家深圳（福田店）
地址：深圳市福田區平安金融中心115樓
前往方法：深圳地鐵1、3號線購物公園站D2出口步行約8分鐘
營業時間：星期一至日：11:30-14:30 / 17:30-22:30
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
撰文：Yuki Lee圖片來源：sayes@小紅書, 露露露萍兒@小紅書, 靜靜子@小紅書, 糖蜀黍帶你吃深圳@小紅書, 許可證@小紅書, 六本木田舍家深圳@小紅書, 金金的日常@小紅書
