相撲見學要識揀 7月肉搏 名古屋 ！【日本】

最近有旅行社廣告用日本「 相撲見學 」做話題，團友由「睇相撲」變成「(被)打相撲」，跟錯領隊報錯團，認真陰公！這種傳統國技，對專注吃喝玩樂退稅掃貨至上的香港旅客而言，幾乎已被遺忘，好在廣告提一提起，又多了讀者查詢到底平民「有冇得參觀相撲道場 」？如果你打算參觀相撲部屋，就要留意每年有6大 「 摸門釘 」時段！因為每逢單數月份，相撲協會都會舉辦錦標賽，所有選手都會離開道場前往對戰，今年7月正是 名古屋 錦標賽舉行的時間，為期15天，選手部屋提早在月初就會謝絕探訪，到時去到關門大吉，想做肉靶的機會都無啊！