抵過直飛廉航│連稅$3785起平飛澳洲＋送SIM卡 ＠Travel佳

聖誕去旅行，貴，就係必然！計我話依家最啱留定彈藥襯淡季捕住有平飛先出擊！其實 澳洲 都有幾多嘢玩，坎培拉坐熱氣球、去西澳睇粉紅湖、大堡礁潛水，又或者簡簡單單hea遊墨爾本/悉尼，無論係上天下海，定文青熱點乜都有！

最近俾我Travel佳發現星級新加坡航空同澳洲旅遊局搞咗個年度活動，下年2月至9月平飛澳洲，珀斯連稅$3,785起、飛墨爾本/悉尼連稅都係大約$3,900起！仲每人送澳洲SIM卡＋新加坡樟宜機場現金券，係咪抵先！

澳洲親近自然 天下海之旅

坐熱氣球係唔少人嘅10大旅遊必玩之一，去坎培拉坐熱氣球橫越Lake Burley Griffin，欣賞湖景、晨光，再加城市周邊同國家公園嘅靚景，肯定令人畢生難忘！

講到下海，點可以唔提昆士蘭開恩茲嘅大堡礁，呢個被列為世界遺產嘅潛水勝地，有長達2,300公里、全球最大嘅熱帶珊瑚礁系統，色彩斑斕嘅珊瑚同海洋生物叫人目不暇給，想休息嘅話可以穿梭於唔同嘅寧靜小島閒歎；鍾意刺激嘅朋友，不妨參加local tour深入熱帶雨林探險。

另一個人生必睇嘅景點，要數西澳「粉紅湖」Hutt Lagoon喇！佢嘅夢幻粉紅，就連坐喺飛機度都睇得到，靚到暈！

玩完悉尼之後，推介玩埋塔斯曼尼亞，搭一程內陸機就到，食生蠔、海鮮、逛酒莊，再去薰衣草園一睹壯觀嘅紫色花海，超正！

文青打卡、必遊市集

如果自問係文青一族， 澳洲 都有唔少文青旅遊熱點，好似墨爾本嘅Brighton Beach絕對係其中之一。沿住長長嘅海岸線係一排色彩繽紛嘅彩虹小屋，喺藍天白雲嘅襯托下，加上海鷗做配角，隨隨便便影相已經呃到唔少Like！喺呢度睇書、歎咖啡、睇人衝浪，輕輕鬆鬆hea半日夠晒寫意！

文青最愛逛市集，塔斯曼尼亞Hobart嘅Salamanca Market係人氣市集之一，記住要空肚去食早餐呀！

平飛澳洲 送SIM卡、機場現金券

打算下年由香港飛 澳洲 的話依家優惠，新加坡航空旗下全線包括勝安航空（SilkAir）、酷航（Scoot），飛11個澳洲城市機票都係有優惠，好似飛墨爾本連稅都係$3,815起、飛悉尼連稅$3,900起，購票日期由即日至2018年1月18日，旅遊日期由2018年2月26日至9月30日（3月20日至4月2日除外）。

另外，凡喺呢段時間買機票，仲送KKday 7日1GB 澳洲 數據電話卡＋新加坡樟宜機場新幣$20消費現金券*（約港幣$110），可用於餐飲或購物，超值！（*前往澳洲黃金海岸除外）

想check 澳洲 機票價錢，即睇：

新加坡航空網址：www.singaporeair.com/au18c