發吽哣不是罪！飛北京挑戰 發呆大賽【北京】

你無聽錯，發吽哣都可以參賽威盡國際！韓國一個藝術家堅信，每個人都需要時間完全放空，無奈在現代社會發呆卻經常換來被罵或嘲弄，於是上年10月在首爾初辦首屆 發呆大賽 ，畀個機會大家集體做傻事。今年比賽會移師北京，50個人齊齊「 唔准郁、唔准笑、唔准呱呱叫 」，場面諗起都惹笑！呆坐足足兩小時，途中心跳加速、抓痕、微笑或者恰眼瞓，都會被工作人員立即拉走出局！自問「 天然呆 」 的你，敢挑戰就快啲拍片報名啦，6月30日截止，要突圍而出，表情搭夠之餘，亦可以花啲心思在造型上取勝！！