王維基

王維基FB帶路！日本中部搵食永恆

新假期編輯部

Mar 1 2016

廣告

牌又無，維基又走佬……定啲，港視主席王維基Ricky本著香港良心，實情去日本名古屋三重縣為公司HKTVmall搜集靚食材，跟商戶交流交流啫。寓工作於腸胃，Ricky 4日3夜勁飲勁食，去咗睇捕蠔食海鮮，又歎松阪牛、伊賀燒陶鍋飯，亦唔少得新鮮水果。由名古屋搭鐵路至三重各城市約1.5至2小時，其實自駕遊就最啱，等我哋都跟主席搵食啦！

王維基_HKTVMALL_日本 — 三重縣培植嘅「香野」、「櫪木少女」士多啤梨，亦令Ricky少女心盡現……

窩心海女！海岸鮮味朝聖

三重乃海女之鄉，海女會徒手潛水捕捉海產，集中於伊勢、鳥羽等沿海地段，Ricky 就遇見海女拎住區旗歡迎佢，仲圍威喂喺火爐即烤伊勢海老、生蠔、大蜆。想試，出發前就預約鳥羽市的海女小屋Hachiman Kamado 大𩟔海鮮餐！

王維基_HKTVMALL_日本 — 海女小屋網上有英文餐單供預訂，豪華拼盤夠最少3人食，整盤¥8,640/HK$590。

王維基_HKTVMALL_日本 — 手持區旗仔歡迎嘅海女婆婆，好可愛！

王維基_HKTVMALL_日本 — 海女會即席燒海產，又表演跳舞，好客十足。

王維基_HKTVMALL_日本 — 正所謂「禾稈冚珍珠」，Ricky捕獲剛上水嘅醜怪大生蠔。

Hachiman Kamado
地址：三重縣鳥羽市相差町109（顯示地圖）
網址：amakoya.com

和牛尤物！平吃A5松阪牛

從鳥羽駕車1小時到松阪市，必吃A5松阪牛。頂級赤身、牛舌及牛肋骨肉等肉香撲鼻，用以燒烤或Shabu-shabu一流，Ricky 就話係成世人食過最好味！

王維基_HKTVMALL_日本 — 松阪市內的一升びん本店，¥3,240/HK$221和牛套餐價錢實惠，當地人熱捧。

王維基_HKTVMALL_日本 — 松阪牛由專人按摩過，Ricky話入口即溶。

一升びん本店
地址：三重縣松阪市南町232-3（顯示地圖）
網址：www.isshobin.com

米飯班主！伊賀掃飯鍋

北上伊賀約需1小時車程，其燒窯陶藝有過千年歷史，已發展到各式各樣蒸鍋、烤肉鍋，至負離子淨水壺都有。八代老店「長谷園」以琵琶湖陶土製作，能鎖住米香，開飯喇喂。

王維基_HKTVMALL_日本 — 伊賀燒陶製飯鍋¥10,000/HK$683

王維基_HKTVMALL_日本 — 伊賀燒飯鍋出名能鎖住米香，Ricky忍唔住買咗個煲返香港！

王維基_HKTVMALL_日本 — 三重紀北町吉祥物「魚君」被熊抱！

長谷園
地址：三重縣伊賀市丸柱569（顯示地圖）
網址：www.igamono.co.jp

最萌忍者！齊齊變身忍者

伊賀市係聞名遐邇嘅「忍者工廠」，Ricky 就參觀咗忍者博物館。市面亦有不少主題商店，小店萬香園近期仲幫貓咪換上忍者造型，人人搶住去食TEA 同佢哋自拍！

王維基_HKTVMALL_日本 — 市內的「忍者變身處」有得出租忍服，約¥700/HK$48，街上更隨時會遇上「忍犬」。

王維基_HKTVMALL_日本 — 萬香園原本係忍者學堂，現改為茶道店，並有忍者貓小柯、小茶駐場。

むらい萬香園
地址：三重縣伊賀市上野小玉町3130（顯示地圖）
FB：むらい萬香園
延伸閱讀：日本網民票選! 3款必買最受歡迎零食
 日本千葉縣世界級「天空之鏡」! 如置身千與千尋場景

關鍵詞

hktvmall 和牛忍者日本