90,000呎真雪樂園！體驗30米滑雪梯！澳門 狂歡雪地嘉年華

撰文：Mandy｜攝影：Katie

狂歡雪地嘉年華 亞洲最大真雪體驗館

狂歡雪地嘉年華於澳門威尼斯人舉行，佔地90,000呎，主辦單位指今次動用了240噸真雪，分為4大玩樂區，分別是浪漫雪園、越野滑雪賽道、極速真雪滑梯以及4D虛擬實境體驗區。嘉年華以代幣收費，每個代幣$10，活動聽落似乎幾吸引，不過抵唔抵玩呢？立即帶來記者的試玩報告。

1. 浪漫雪園（5個代幣）

雪園佔地4,500平方呎，採用全真雪，讓大家可以盡情打雪仗、堆雪人。場地提供了雪鞋、剷雪工具以及小型滑雪車，每節20分鐘，可以近近哋於澳門體驗白色情人節。

2. 越野滑雪賽道（8個代幣）

未試過滑雪的朋友仔，可以在這裡體驗雙板滑雪，不過老實講，賽道斜度不夠高，反而像穿上滑雪板走路，而且索價$80，不太吸引。

3. 極速真雪滑梯（18個代幣）

真雪滑梯全長30米，是場內最搶眼的遊樂設施，坐上水泡由6米高台滑下，斜度足夠，都幾刺激。不過正因為斜度夠，每次大概3秒就玩完，$180玩幾秒，除了刺激，就只有「好貴」這個玩後感了。

4. VR實境體驗（18個代幣）

VR體驗設有高空跳傘以及滑翔傘遊戲，記者試玩了滑翔傘，戴上VR眼鏡並吊離地面，加上面前的風扇吹風效果，感覺超像真，好玩！

玩到累，當然要食飽再玩過，場內有大約10個小食攤位，甜、咸點都有。相比起遊樂設施，食物叫價反而不算太貴，是可接受的「嘉年華定價」。食物以小食為主，點心、魚蛋燒賣、爆谷等等都有，連香港高人氣的窩夫都有到場擺檔。

特濃紫薯窩夫 $80/全條 紫薯蓉很濃厚，窩夫本身亦夠蛋香，好味。

狂歡雪地嘉年華

地址：澳門威尼斯人金光會展E館
日期：即日起至2月14日
時間：11am-10pm（每4小時一節）
票價：成人$180（包8個代幣）；小童$120（包8個代幣）