【 澳門 小出走】充電短遊：豪歎Spa、中西日盛宴 ＠Travel佳
去 澳門 來個小旅行，一定要寵自己，由身心到味蕾都要全面照顧，先可以釋放平時嘅壓力！我阿佳今次又有好介紹，每人$688已經包酒店、船飛，仲包埋坐觀光巴士，輕輕鬆鬆就可以遊澳門！唔知食乜好？睇埋下面仲有中西日美食推介！
豪住 澳門 豪華客房、歎Spa
每人$688包晒豪華客房住宿、雙人自助早餐、來回船飛、觀光開篷巴士飛，仲有紅酒，呢個咁筍嘅優惠原來係英皇娛樂酒店剛剛推出！呢個package仲送水療現金券，去英皇水療中心歎番個spa或者按摩，就真係perfect池喇！同honey或者巴打、絲打過嚟玩2日，短遊充電都幾正！
春日住宿優惠，每人$688起/晚（須2人同行），包括：
‧入住豪華客房1晚
‧雙人自助早餐
‧噴射飛航經濟客位來回船票（只限從香港出發的套票）
‧價值HK$300水療現金券
‧名貴紅酒1支
‧澳門觀光開篷巴士2日票
一站式味遊中西日
遊澳門，食好嘢當然是重點環節，唔使周圍去唔使plan，可以品嘗中、西、日精緻嘅美食，真係幾開心！英皇娛樂酒店嘅中菜、自助餐同日本料理都係水準之作，唔少人會專登去豪歎一下。
皇廷閣主打粵菜同潮菜，除咗供應珍貴海味同海鮮之外，大廚亦善於將傳統中菜與西方藝術糅合，大玩fusion創作，例如黑松露雞翼就係將日本A5和牛配意大利黑松露醬，釀入雞翼吊燒，外脆內香。
日本A5和牛配上意大利黑松露醬後，釀入原隻雞翼中吊燒，外皮香脆，內裏香嫩多汁，食1隻點會夠！
想貪心啲，一次過帶味蕾遊歷全球？御廚嘅自助午、晚餐就可食盡巴黎香草牛油燒牛扒、烤北京填鴨、炒蟶子王、Häagen-Dazs雪糕等等，每位食客更送龍蝦三式、原隻鮑魚佛跳牆各1份。Weekend嚟食，仲額外送北海道珍寶帶子壽司1份！
巴黎香草牛油燒牛扒、烤北京填鴨、Häagen-Dazs雪糕等環球美食，源源不絕奉上。
爐端燒好考師傅嘅功架，貴族炉端燒由大廚以熟練嘅技巧，喺烤爐前即席燒烤各種美食，已經係視覺享受。食爐端燒，識食嘅一定要食燒魚，另外，燒和牛、海鮮等亦係必吃之選。師傅燒好食物後，會用木板端上俾客人，跟足日本傳統，好地道。
師傅燒魚火候拿捏準繩，外皮燒得香口脆卜卜，肉質仍能保持嫩滑鮮香，簡單配蘿蔔蓉同食已經好夠。
英皇娛樂酒店
地址：澳門商業大馬路288號（顯示地圖）
電話：(853) 2888 9988
春日住宿優惠：即日至2017年6月30日（須2人同行）
facebook：Grand Emperor Hotel 英皇娛樂酒店
