澳門2024年盛事：澳門新濠影滙 x 容祖兒Eternity演唱會｜多款超值酒店及餐飲優惠套票

May 21 2024

今個7月及8月天后級歌手容祖兒再次隆重登場澳門新濠影滙開演唱會，上年買唔到飛嘅朋友仔，今年切勿再錯過喇！今次為咗比祖兒粉絲們能夠全方位體驗這場音樂盛事，新濠影滙特別推出了一系列演唱會套票，食、住、玩、出行套票樣樣齊！小編幫大家整合幾大演唱會套票優惠，相信實有一款啱你心水！

1.「心花怒放」四人行演唱會套票

「一直等一種感覺，今天終於有點狂，不想正常，心花正怒放」暑假就嚟到啦，梗係要約埋一班朋友一齊放飛心情，聽一場感動人心嘅演唱會，咁就要去澳門新濠影滙一齊追星支持祖兒！呢個「心花怒放」四人行演唱會套票真心抵玩，只需澳門幣5,228起，包括4張演唱會門票，仲有價值澳門幣3,000餐飲娛樂券，啱晒中意美食嘅粉絲們，一班朋友可以係演唱會前食飽飽再去同祖兒打氣，新濠影滙有齊中西日東南亞菜式任君選擇！呢澳門幣3,000餐飲娛樂券除咗可以用係美食上，仲可以用係澳門新濠影滙嘅娛樂設施水上樂園等等，實行想點玩點食，自己決定！今次重點係仲另加送4份精美周邊紀念品，仲係得呢個套票先有！可以話祖兒真係超級寵Fans！咁多位祖兒粉絲一定唔可以錯過啊！

（*適用於A區澳門幣1,688 / B區澳門幣1,288 / C區澳門幣988門票）

2. 水上樂園套票：「全身暑假」水上樂園演唱會套票

「提早暑假投奔初夏誰將水彩濕遍這幅畫」今個暑假想同祖兒一齊消暑嘅話，咁就一定要入手🌊「全身暑假」水上樂園演唱會套票，呢個套票只需澳門幣1,238起，包水上樂園同演唱會門票1張，盡情享受夏日清涼與音樂盛宴。加上而家水上樂園室內室外園區已經全面開放，全天候都可以盡情玩水讓你彷彿在音樂嘅海洋中盡情暢遊。鍾意同陽光玩遊戲嘅朋友一定要去室外園區，挑戰20米高嘅滑水道，同埋玩轉62個嬉水熱點，夠晒刺激好玩；怕落雨曬黑嘅朋友仔都唔洗驚，室內園區同樣可以玩得開心又盡興，一年四季無論任何天氣都可以玩盡水上樂園！

（*適用於A區澳門幣1,688 / B區澳門幣1,288 / C區澳門幣988門票）

3. 飲食套票：「Pretty Hungry」星滙自助餐演唱會套票

試問唔食飽飽又點有力氣同祖兒打氣一齊high足全場呢！小編大推呢個只需澳門幣1,088起嘅「Pretty Hungry」星滙自助餐演唱會套票，只需另加澳門幣100/300即可享「星滙餐廳」環球海鮮烤肉自助午餐/晚餐，啱晒鍾意食好西嘅朋友仔，真係好抵食！一個價錢食到全球美食，食飽又可以睇祖兒，簡直係美食與音樂嘅完美結合，將為你嘅演唱會之旅增添無限樂趣。

（*適用於B 區澳門幣1,288 / C區澳門幣 988門票）

暢飲套票：「Pretty Crazy」演唱會暢飲套票

對於喜歡係夜晚享受音樂與酒精嘅朋友來講，「Pretty Crazy」演唱會暢飲套票將會係你嘅最愛！套票只需澳門幣1,388起，只係另加澳門幣100就可以係指定餐廳享受2小時無限暢飲，仲包埋一張演唱會門票。係睇祖兒演唱會之前或之後同班知己把酒談心，簡直係讓大家係音樂嘅節奏中盡情放鬆嘅好選擇。

（*適用於A區澳門幣1,688 / B區澳門幣1,288）

4.「不容錯失」港澳船飛演唱會套票

呢個「不容錯失」港澳船飛演唱會套票只需澳門幣1,126起，門票再加多澳門幣138即可享有香港澳門來回船飛一套，仲額外贈送輕軌1日無限任搭，幫大家慳唔少交通費。落船之後，仲有輕軌直達新濠影滙，就算落雨天都唔洗擔心，真係方便過搭的士！坐輕軌途中仲可以欣賞澳門迷人景色，而家用一個超優惠嘅價錢，就可以享受祖兒演唱會嘅同時又可以暢遊澳門；夜晚睇完祖兒演唱會如果想即日返掂晒！

（*適用於A 區澳門幣1,688/ B 區澳門幣1,288/ C區澳門幣 988門票）

5. 住宿套票：「隆重登場」演唱會住宿套票

睇完祖兒演唱會唔想匆匆忙忙離開，又想同朋友再回顧一下演唱會，可以選擇演唱會住宿套票，入門嘅「隆重登場」演唱會住宿套票都只需澳門幣3,299起，包括1晚住宿同2張演唱會門票！如果想住豪啲演唱會坐前啲，都可以選擇「華麗邂逅」演唱會尊尚住宿套票，同樣包演唱會門票2張同1晚酒店住宿，仲有澳門幣1,000消費回贈! 讓你係享受音樂盛宴嘅同時，亦能體驗澳門嘅奢華住宿。

（*「隆重登場」套票適用於B 區澳門幣1,288/ C區澳門幣 988門票；

「華麗邂逅」套票適用於VVIP區澳門幣 2,800 / VIP區澳門幣 2,300 / A區澳門幣 1,688）