深圳勁揪大排檔｜即叫即燒手掌大燒鵝髀＋超拉絲芝士啫啫雞
廣告
深圳大排檔｜鍾意食小炒嘅朋友有福啦～深圳呢間人氣餐廳—勁揪大排檔絕對可以滿足你嘅胃袋！除左有招牌即叫即燒嘅超大鵝髀外，重有用真炭火燒製嘅各式串燒、炒得條條分明嘅乾炒牛河，每一款都食得出師傅功夫勁有鑊氣！而且營業至凌晨兩點無限時任坐，啱晒約埋一大班朋友邊吹水邊嘆美食。有興趣即睇詳情。
深圳勁揪大排檔｜即叫即燒手掌大燒鵝髀＋超拉絲芝士啫啫雞
位於深圳荔灣區嘅勁揪大排檔係二十年老字號，一直都係當地人食宵夜嘅好去處。招牌菜式金牌燒鵝採用咗「廣東四大名鵝」之一嘅江門馬岡鵝製成，肥瘦適中肉質緊致，即叫即燒外皮脆卜卜非常香口而內裏則充滿鵝油～下底鋪墊咗嘅陳村粉吸哂燒鵝嘅油脂同汁水，超入味令人忍唔住一啖一啖好快就食晒！
另外必叫乾炒牛河，師傅夠功架鑊氣十足所以可以炒到河粉條條分明帶微微焦香，牛肉嫩滑份量絕唔手軟，一碟只係¥28 CP值超高！新菜式瀑布芝士啫啫雞翼亦係非常推薦，外觀極岩影相打卡！雞翼用煲仔上熱辣辣再淋上拉絲芝士，食落去充滿奶香非常惹味～
餐廳裝修簡單但環境衛生，紅色鐵板凳配上圓形大枱相當有港式大排檔風味！而且營業時間由下午五點到凌晨兩點，冇限入座時間，同朋友們慢慢聚會吹水都冇壓力～入面內更設有幾部街機，食到悶悶地可以同人摙返兩鋪先！
餐廳詳情
名稱：勁揪jiu大排檔·老廣風味(陳家祠店)
地址：荔灣區康王中路惠城花園前第三板塊
前往方法：乘坐地鐵8號線到華林寺站C2出口步行約5分鐘
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
撰文：Yuki Lee圖片來源：Lcy@小紅書, 熊大的熊二@小紅書, 一粒湯圓頭勇闖世界@小紅書
