深圳雅昌藝術中心｜30米高藝術書牆＋逾5萬本多國語言藏書任睇
廣告
深圳雅昌藝術中心｜北上旅行唔一定淨係飲飲食食嘅～不妨去位於深圳南山區嘅雅昌藝術中心享受吓文青氛圍啦！除咗有超震撼嘅30米高圖書牆任打卡影相，館內亦不定期有各種展覽同Cafe可以坐低休息！即睇詳情~
深圳雅昌藝術中心｜30米高藝術書牆＋逾5萬本多國語言藏書任睇
位於深圳南山區嘅雅昌藝術中心一共有5層，總面積佔地約4萬多平方米，由多個部份組成，包括：全球首創嘅博物館式書店、呈現國際藝術家展品嘅國際限量版專區、戶外劇場及兒童館等等！
單體藝術書牆
雅昌藝術中心最引人注目嘅焦點一定係跨越館內四層樓梯，全世界最大嘅高30米、闊50米嘅單體藝術書牆，設計更榮獲「德國紅點設計」獎項！黑色木質書架配上超過5萬本色彩豐富繽紛嘅藏書視覺效果非常震撼，無論係邊個角度影相打卡都100分滿分呀～
多國語言書本
一幅書牆除咗外觀吸晴之外，其實都非常有內涵架。裏面陳列嘅書除咗有齊中英日俄法意等多國語言，更有唔少係已經絕版嘅稀有孤本、限量手稿！相信日常生活中並唔係咁多渠道可以接觸得到，所以有興趣嘅「發燒書友」記得把握機會啦！
雅昌藝術中心詳情
地址：深圳市南山區深雲路19號雅昌大廈
前往方法：深圳地鐵2、8號線僑城北站D出口步行約15分鐘
價格：¥50／¥200（代金卷，可用於館內買書或咖啡店的消費）
營業時間： 星期二至日：上午9時-晚上6時30分
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
撰文：Yuki Lee圖片來源：深圳生活研究所@小紅書、銀古@小紅書、patty的漫遊記@小紅書
