法式外交 vol.2 在法國旅行要注意 @ 陳細細

法式外交 注意

4. 人地個仔好鬼得意, 但你唔好無啦啦走去 selfie

藍眼睛又金髮仲要是小卷毛的細蚊仔成個公仔咁得意到喊, 身為香港人, 我本能地拿出生活態度想要拍照留念 (其實以後都未必會睇返), 地雷又這樣被我踩中了: 你以為自己正在友善地逗小孩, 人家父母卻強烈感覺你正在侵犯他們。普遍來說法國人對私隱和肖像權都比較敏感, 我做實習的劇院學校就有好幾對家長講明所有官方公開的照片裡都要把小孩 blur 左佢。畢竟, 就算不是甚麼明星名人, 在這個人人都可以是記者的網絡世代, 你永遠不知道照片可以流傳多久, 去到幾遠,落到何許人手上, 作怎樣的用途。面對尚未懂得拒絕的小孩, 我認為家長的做法未算過份保護, 如果在街上有陌生人突然拍我的孩子(然後放上社交網絡)我都會燥底。曾經見過遊客在塞納河畔拍小孩被人家的父母黑面阻止, 而法國法例也有特別保護肖像權, 所以奉勸大家見到再可愛再心心眼的小孩, 拍照前還請詢問一下父母(很多人其實都很樂意啦!), 想深一層, 這是基本的尊重啊。

5. 好好味不過都唔好雪雪聲

這應該是個人習慣的問題? 人地話法國人好優雅, 係咪真係好優雅呢, 可能我都住多幾年才體會得到, 但吃飯的規矩呀小細節等他們還是很重視。我曾經被朋友當面指出吃飯時發出聲音很倒胃口……就是那, 呷湯時的雪一聲。自己也不為意, 從小到大都是這樣啦你都未見過日本人食拉麵, 只是, 從此在外吃飯時都特別注意一下。他們又不喜歡有骨頭的肉品, 因為食起上來個人唔靚。我家的法國人在香港時最怕看到別人吃炸雞軟骨, o習o習聲好狂野! 也不愛牛仔骨金沙骨甚至雞中翼!!! (我就說唉你的人生真是少了好多樂趣) 君不見法國人有很多像刑具的餐具, 用來優優雅雅地吃蝸牛與小海鮮都不會弄髒手指。海鮮以外, 我以為今時今日大家都唔 care 啦, 但巴黎的餐廳裡又會見到他們用刀叉吃 burger……

又, 揀完食咩唔駛急住舉手叫侍應, close your menu, 佢地自然知你已經準備好點菜。如果你舉手大叫 excuse me, 臭串一D又唔恨做既侍應們絕對會唔理你由你等到天荒地老, 我在羅浮宮的 cafe 就親眼見過好幾次……

6. 大家各自享受自己的小宇宙, pas de 對講機 si vous plait!

我覺得這應該是不單是法國合用的溝通方式, 應該是全宇宙都合用的普世價值。可能因為法國人不及香港人般愛追高科技, 在巴黎呢地下鐵的 signal 又好差, 大部人在公共空間都是自己做自己的事, 互相不滾攪說話又唔會太鏗鏘。很少見人在車上看劇和有聲新聞, 也不會見到法國人不停 send voice messages 仲俾全世界都聽到, 除了成群的學生哥會比較嘈。我會說這些是惡習啊, 在公共空間, 如果你沒有 headset, 請盡量用一個只有你自己才聽到的聲浪去玩 whatsapp 對講機。公共交通如是, 出外用餐如是, 旅遊景點亦如是。留個靜靜的 comfort zone 給別人吧, 當然, 你也可以即興撩看似無聊玩緊手指的當地人傾計, 我相信人們都很樂意在地下鐵踫著你!

仲有…… ?? 你地有無好 tips 開心 share 一下?

facebook.com
instagram.com/alysechansaisai