沖繩 新激玩：自駕Tuk Tuk、藍洞潛水 ＠Travel佳
天氣開始暖，人都活躍起嚟，又係Travel佳計劃下轉旅行嘅時候喇！我素來鍾意陽光與海灘， 沖繩 係唔錯嘅選擇，而且當地最近有激新玩意：自駕Tuk Tuk周圍去玩，同藍色洞窟潛水，兩樣都未玩過，一於復活節去玩幾日！豪住一下歎靚景就perfect池喇！
沖繩 潛水 睇湛藍洞窟
去 沖繩 當然唔少得水上活動，不過，其實水底世界仲吸引！Travel佳都有去過宿霧、布吉潛水，聽朋友講 沖繩 嘅藍洞仲正。世界上嘅藍洞唔多，其中1個出名嘅係 沖繩 恩納村真榮田岬「青之洞窟」，即係藍色洞窟。當陽光照射到神秘又美麗嘅藍洞，海水一片湛藍，波影嘅藍光閃下閃下好夢幻，自然成為當地嘅潛水熱點。天氣好，能見度夠高，會見到好多熱帶魚，呢個奇觀肯定令你畢生難忘！
最近專業旅運有個藍洞潛水package，香港買好套票，去到直接潛水，唔使左搵右搵潛水公司，或者驚full咗，好方便！如果夾啱指定季節同時間，個package仲可以安排夜探螢火蟲，一於鎖定去 沖繩 秘探藍洞啦！
Tuk Tuk自駕遊
有冇人好似Travel佳咁，去親泰國坐Tuk Tuk都想有日試下自己揸Tuk Tuk？機會嚟喇飛雲！地點竟然係 沖繩 ！Tuk Tuk連司機可以坐4個人，駕駛者有普通私家車自動波車牌就揸得，操作都唔難。 沖繩 處處都係靚景，梗係要去恩納村海邊影相、吹下海風，又要食Agu豬、石垣和牛，仲要去美國村同Aeon Mall掃貨、去美之海水族館睇鯨鯊……揸住Tuk Tuk周圍去真係好方便，仲可以毫無阻隔感受 沖繩 。
住豪啲 270°歎靚景
去旅行梗係要歎到盡，位處名護嘅The Ritz-Carlton Okinawa係 沖繩 唯一可以270°睇到無敵全景嘅酒店，大部分房間都可以睇到 沖繩 嘅海景，部分仲有風呂，咁樣歎靚景最暢快！酒店開業只有4年，好新好乾淨，每間房起碼有480呎，夠晒闊落，放2、3個大喼都仲有大把空間。酒店嘅spa仲攞埋獎添，同女友嚟肯定開心死佢！
另1間出名嘅The Uza Terrace Beach Club Villas舊年先開，48幢紅瓦片獨立小屋超有resort feel，最細嘅房有900呎，仲有私人泳池，去Zanpa Beach都只係400米。
沖繩 行程推介
藍色洞窟浮潛/潛水1天自選遊 $470起/位
沖繩 住宿推介
The Ritz-Carlton Okinawa：Deluxe Twin房間連早餐 每房$3,300/晚
The Uza Terrace Beach Club Villas：Club Pool Villa Twin房間連早餐 每房$9,160/晚
專業旅運自由行
查詢：3700 2656
