沖繩新蒲點！瀨長島美景下歎5大必食名物【日本】

Q: 有到日本旅遊前要了解的實用資料嗎？

日本是香港人最愛的兩大旅遊地點，去旅行前必看 5大旅遊保險保障新冠肺炎的比較 ，另外為你推介 日本10大好用電話卡 ，亦可參考 日本8大Wifi蛋推介 。當然亦要事先了解 日本地區天氣、電壓、電源插頭、入境簽證要求及大使館電話 。

Q: 日本已開放自由行，有最新的旅遊景點推介嗎？

想要行程推薦的可以參考以下資訊： 大阪自由行攻略 、 富士山28大景點 、 福岡自由行懶人包 及 東京自駕遊路線 。

Sep 10 2015

沖繩的瀨長島雖然背山面海有美景，但以往島中只有一間溫泉酒店，甚少遊客會特登去！近日小島終於有新搞作，全新Umikaji Terrace 商場於7月尾正式開幕，場中只有33間店家，比起本島今年新開業的HAPiNAHA 及Aeon Mall Rycom Okinawa 就當然輸蝕咗少少，但勝在有藍天白雲美景伴襯，而且間間店家都非常出名，如沖繩人氣蛋包飯店タコライスCafe きじむな、主攻Made inOkinawa 的帆布店TESHIGOTO，最重要是Umikaji Terrace 距離那霸機場僅約10分鐘車程，更有免費接駁巴士，不妨作為臨別沖繩的最後一個景點！

每間店舖都有一個小露台，比起商場，Umikaji Terrace更似一個小社區！

5 大必食名物

1. 當地人推介甜點

甜品全用沖繩產原料製成，當中以芒果蛋糕最高人氣，就連名古屋TV都有到店舖直擊介紹！』—SunRoom Sweets SENAGAJIMA (Shop 11)

2. 超新鮮魚生飯

由漁夫直接經營，保證新鮮又大件夾抵食，吞拿魚迷必試「特製まぐろ丼」；唔食海鮮？仲有超健康的野菜丼「アヒポキ」畀你選擇！—親父のマグロ (Shop 14)

3. 平鋸石垣牛扒

和牛迷一定要試，店家會買入整隻石垣牛逐一切割，肉質新鮮，最重要是降低了來貨價，午市套餐僅¥2,980/HK$192，即可享200g石垣牛扒，鋸扒都唔肉赤。—YONAR`S GARDEN (Shop 34)

4. 老字號沖繩炸冬甩

40年歷史和菓子店，主打輕食甜品，最出名是店子首創的炸冬甩（¥130/HK$8），再配上不同口味雪糕，一冷一熱口感特別，必點！—KAME ANDAGI (Shop 08)

5. 網民激讚蛋包飯

被網民一致讚賞的「タコライス」（¥680/HK$44），其實由墨西哥捲餅改良而成，混合了肉醬、番茄醬及沙律醬，酸酸甜甜，好開胃！—タコライスCafeきじむな (Shop 28)

日本線專員Katty：商場除了有29間食店，仲有得玩Paddle Board、香蕉船、模擬飛行等活動，最正係黃昏時仲可以坐喺露台歎住啤酒睇日落！

買走沖繩手製小物

雖然商場只有4間購物小店，但同樣可以滿足一眾潮人的購買慾！這些店家均標榜「Made in Okinawa 」，其中TESHIGOTO 的布袋及小物，每一件都是由店長長堂嘉史全人手製作，而且更有沖繩特別版，絕對是潮人最愛！至於女生則可以去Branches 買飾物，店子主打海洋風的設計風格，鮮艷色彩而且款式百搭易襯，想扮日本妹記得入手！

必睇鹹蛋黃Show

Umikaji Terrace 中有Papillon Marine Club 可以俾人挑戰水上活動，大玩Paddle Board及香蕉船；Try Air 則可嘗試模擬飛行駕駛體驗，每次¥1,000/HK$63，絕對抵玩！玩夠當然要睇日落，記得要欣賞埋傍晚時分的兩場歌舞表現，每晚的嘉賓都唔同，隨時有驚喜！

瀨長島Umikaji Terrace
•地址：沖繩県豊見城市瀬長174番地6 （顯示地圖）
•電話： 098-851-7446
•營業時間：10am-10pm（個別店舖會有差異）
•交通：從那霸市出發乘單軌電車到赤嶺站，再轉乘免費穿梭巴士15分鐘直達
•網址：www.umikajiterrace.com

延伸閱讀：【首爾旅遊】三清洞、仁寺洞 9大韓食文青蒲點

埃航靠得住？！$1,600 紅葉季平飛東京

有到日本旅遊前要了解的實用資料嗎？

日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。

日本已開放自由行，有最新的旅遊景點推介嗎？

想要行程推薦的可以參考以下資訊：大阪自由行攻略、富士山28大景點、福岡自由行懶人包及東京自駕遊路線。

關鍵詞

商場旅遊日本沖繩