水都潺仔威尼C 收費禁例層出不窮＠杜遊珍

上月中威尼斯通過「拖篋法」，針對硬膠篋轆拖在古城地板「咯落咯落」的噪音，決定明年月開始禁止轆出轆入，深受水貨客滋擾的香港人難免自我投射，人人 share 拍手叫好。阿珍認為呢項罰款唔止針對噪音咁簡單，而係突顯一個遊客城市超負荷的慘況──威尼斯常居人口只得27萬（一個黃大仙區都多過佢），曾經有專家評估當地每年最多只能容納750萬人次，現實數字卻是3,000萬，明明脆弱得水浸失修、依然超額四倍，說「踩冧」絕對客觀唔誇張，意國政客又唔敢好似不丹咁大手筆抬高入境徵費門檻，淨係識向觀光客開刀。近十幾年，威尼斯經常憑各式各樣「婆仔數」登上國際新聞，由小便費到是否留宿都要同客計，水鄉變成「主題樂園」，真係唏噓過豬肉佬 ⋯⋯