童話國歐遊提案！5大必去 德國 夢幻景點＠Travel佳

我Travel佳最鍾意就係假期之後先出發，貪人少啲、食住都平啲！過完年又到情人節喇，如果你諗住喺呢個浪漫節日同身邊嘅BB一齊出發歎番個假期，抑或想趁3月淡季嚟轉歐遊，我都建議你去 德國 嚟個輕鬆豪飲豪食浪漫之旅，行下古堡同小鎮享受寧靜時光。如果你對 德國 毫無頭緒，等我Travel佳介紹五大心水景點俾你，等你幻想下親身飛到童話國有幾咁浪漫。

德國 五大夢幻景點
1. 羅登堡

講到最吸引人嘅童話小鎮，一定非羅登堡莫屬！位於南邊的羅登堡，全城建築仍然保留著中古氣息，每幢建築物的屋頂都油上深淺不一嘅橙紅色，遠望就好似寶石咁，因此又名紅色城堡，亦係羅登堡德文Rothenburg的意思。最吸引我嘅係呢個小鎮好多小巷俾我行，每條巷入面總會有好典雅精緻嘅陶瓷店，由小巷慢慢走到市中心嘅市集廣場、市政廳同聖雅各教堂等地方，每個轉角都好似故事書入面嘅場景咁，又靚又浪漫，的確令我好難忘！

2. 新天鵝堡

嚟到 德國 嘅必去景點，我諗唔少人都會答你新天鵝堡。連埋舊天鵝堡園區共有四座城堡，而新天鵝堡建於19世紀末，內裡裝飾華麗優雅。城堡嘅建築群的確好夢幻，就連迪士尼嘅LOGO同埋樂園入面嘅公主城堡等設施，都參照咗新天鵝堡嘅外形而設計，你就知道呢個地方絕對係浪漫建築嘅指標。

3. 哈美恩

講哈美恩你可能未聽過，但講到格林兄弟你實聽過！格林兄弟生於 德國 ，後來佢哋去到哈美恩嘅時候，就以呢個地方為創作根源，寫出《吹笛的捕鼠人》童話故事。直到而家，成個城市都有唔少故事中嘅角色出現，好似吹笛手的雕像、裝飾，而且地面仲會有老鼠腳印，指出城市景點嘅方向，將童話元素變成城市裝飾。

4. 慕尼黑

慕尼黑作為 德國 的第三大城市，除咗啤酒夠吸引，其實市內景色亦都好特別！始終是大城市，城市的新舊建築穿插其中，行完聖母教堂、聖彼德教堂等古典建築，一定要行新舊市政廳，雖然風格迥異，但係同樣宏偉，正正因為呢種新舊交替的特別建築風光，令慕尼黑有「歐洲建築博物館」嘅美譽。

5. 楚格峰

行完咁多古鎮，嚟得 德國 當然唔少得去楚格峰啦！楚格峰屬阿爾卑斯山脈嘅其中一個山峰，最高有海拔2,962米高，沿途搭纜車上去嗰時，已經欣賞到極奇壯麗嘅雪山景色，但係最靚都係最高嘅觀景台位置，一望出去就見到延綿意大利、奧地利同瑞士三個國家嘅四百幾座山峰，撞正見到日出日落仲可以睇埋日照金山嘅奇景，靚到講唔到嘢！

介紹完五個心水地方，若然想舒舒服服同BB或者屋企人度下假，就梗係要歎到盡，唔想咁頻撲就可以報團玩，嚟緊尊賞假期2月同3月都會舉辦 德國 旅行團，去勻以上五個景點，沿途仲會帶你去米芝蓮餐廳食飯，實行豪玩豪食。

德國11天浪漫之路、童話之路、城堡之路、阿爾卑斯山之路 $21,998起
出發日期：2月10日及3月25日
行程：漢堡、不來梅、哈美恩、哥廷根、卡塞爾、科堡、班貝格、紐倫堡、符茲堡、 羅登堡、斯圖加特、迪的斯湖、新天鵝堡、楚格峰大雪山、國王湖、慕尼黑
查詢：尊賞假期 2115 9828
網址：http://www.premiumholidays.com
全力支持：德國國家旅遊局
如欲瞭解更多德國資訊，請瀏覽http://www.germany.travel