歐洲減價機票出爐 早訂明年復活出發@Wina
廣告
歐洲冬季的減價機票又是時候出籠，今年打頭陣有三大歐洲大航空公司，包括較少減價的瑞士航空、孖寶法國航空以及荷蘭航。就整體而言歐洲航空公司的 Offer 通常比中東幾間航空公司吸引，主要因為（一）要於中東轉機而且等候時間較長；（二）雖然中東航空的機票面價或會劈得更勁﹐但魔鬼在細節，稅項等雜費分分鐘貴二千多元，得不償失。
看回三大航空的優惠同時地其實大同小異，東歐如布拉格、華沙；南面里斯本、馬德里；北歐的奧斯陸、斯德哥爾摩等亦可見於列。面價來睇以瑞士航空最抵，轉飛價只需 $3,550 起，去北歐東歐轉機時間只係 1 至 2 小時。出發日期由 1 月至 3 中初，雖然係眾多優惠中較短的，但依然 Cover 農曆新年紅假，Check 過部份目的地都仲有機位，想新年行大運的，呢張機票訂得過！
而孖寶法航與荷航的出發日期就相對較長，由11月至明年 3 月底，想趁初秋遊地中海，至橫跨復活節遊花季都得。而轉機機票亦只不過每位 $3,600 起，連稅後約六、七千元，都算抵飛！順帶一提，直飛阿姆斯特丹及巴黎的機票亦有減價，每人 $4,100 起，雖然唔係勁 Wow 價，但比起香港最大航空的企硬直航價 $7,600，平逾40%。當然要識揀啦!
瑞航優惠：http://www.swiss.com/hk/en/Book/OfferBook/Group/Y122
法航優惠http://www.airfrance.com.hk/HK/zh/local/resainfovol/meilleuresoffres/promo_europes.htm
圖片來源：荷蘭 keukenhof 公園
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
