朝拜日韓兩大 羊咩咩Cafe ！祝你羊年要咩有咩！
廣告
咩呀？！咩咩咩呀！你做咩咩我呀？！我講緊羊咩咩呀！就快羊年，梗係朝拜一下一眾羊仔，希望來年要咩有咩啦！
想睇羊咩咩呀，又唔一定係農場先見到既～好似日本同韓國咁，就有 羊咩咩Cafe 俾羊粉朝拜喇！
弘大超治癒綿羊Cafe
位於弘大的Thanks Nature Cafe，一聽個名就知店主有幾鍾意大自然啦！店主將餐廳一處裝潢到農場一樣，更收養了兩隻綿羊仔。每次養等羊仔長大成人，就會放佢哋回到草原生活，再收養另外兩隻小綿羊，所以大家每過幾年就會見到新的最萌綿羊仔！不過要留意Cafe在Facebook的更新動態，例如在暑假期間，羊仔便需要抖暑不會在出現了！
Thanks Nature Cafe
地址：首爾市麻浦區上水 486 西橋 Prugio 大樓 B121
營業時間：11am – 10pm
電話：02-335-7470
日本涉谷「小羊區」 ─ 櫻丘Cafe
作為新假期讀者，都應該去過無數咁多次Cafe，特色Cafe可能都去過幾十間，又有冇留意到有一個「小羊區」？就係「櫻丘Cafe」，cafe位處從涉谷車站往櫻丘町方向行5分鐘左右的地方！
雖然櫻丘Cafe的門面裝修與料理都不俗，但最吸引大家去的，一定係一黑一白的羊咩咩！白羊叫阿櫻；黑羊叫朱古力！話說當年櫻丘Cafe仲未有養任何動物，店主就覺得羊仔可以治癒人的心靈，於是就引入咗呢兩隻羊仔，極受當地人歡迎之餘，仲慢慢成為當區的唯一喜氣「羊羊」的景點呢！
