曼谷必必必食! 泰茶漿鐵板雪糕

曼谷 Central Embassy 商場外號「六星級百貨」，店舖多是貴價名牌，想血拼掃貨就未必啱喇，但商場5樓有間靚裝 cafe叫 Audrey ，甜品有特色且價錢唔貴，好似呢個鐵板雪糕咁，食材配搭甚有新鮮感，底下鋪滿切碎的印度薄餅，同時附上一杯泰式奶茶漿，可自行淋落鐵板，慢慢欣賞雪糕溶化兼出煙的過程！薄餅雪糕聽落怪怪地，味道出奇地夾， 薄餅吸收了雪糕的雲呢嗱香，口感煙韌唔油膩，更夾雜少許棉花糖和脆米粒，撈埋泰茶漿真係一啖N 重口感！每份售 THB165/HK$37，比香港同類型甜品平得多，店面裝修走歐風 style ，平日唔會太多顧客迫爆， 可坐足半日歎甜品兼冷氣，體驗曼谷貴婦生活！