8大「 曼谷夜市 」全攻略 @KKday
#1【NEW!】 桑崙夜市重新開幕 — Suan Lum Night Bazaar
你冇睇錯，2011年結束營業嘅桑崙夜市喺2015年12月又開番喇！不過今次由以前喺Lumpini Park隔離，搬咗去Chatuchak恰圖恰一帶。新嘅桑崙夜市裡面有一間超過1800間舖頭嘅購物中心（大約同水門市場差唔多大！）。無論係夜市、四星旅館、拳擊體育館、魔術定歌舞表演，總知多元化嘅選擇就令呢度嘅夜晚相當熱鬧！
▶︎交通：搭BTS到Lat Phrao站｜Ratchadaphisek Exit2
▶︎地址：5 Ratchadaphisek Rd., Champon, Chatuchak Bangkok, Thailand 10900
▶︎時間：每日 18:00-00:00
▶︎建議停留時間：3小時
▶︎實用資訊：官網｜Facebook
#2 JJ Green — 古董物件、酒吧、小吃林立的夜市
( 圖片來源 )
(圖片來源)
(圖片來源)
JJ Green Market 好近恰圖恰市集，除咗賣衫賣鞋等以曼谷當地人為主嘅商品之外，仲有唔少古董玩意，鐘意懷舊風嘅你千祈記得要黎呢度尋寶！此外，呢度有好多特色裝修設計嘅酒 吧同餐館，好啱週末黎呢度同朋友小聚。如果星期五去 JJ Green，仲可以一齊行下附近嘅 Chatuchak Weekend Market，一路玩到通宵！
▶︎交通：搭BTS到MoChit站，或MRT至Chatuchak Park，兩者皆1號出口出去，步行約十分鐘。
▶︎時間：週四至週日 18:00-01:00 (酒吧區可能營業到2、3點)
▶︎建議停留時間：3小時
#3 Talad Rot Fai (Srinakarin) 曼谷火車市集
曼谷嘅火車市集係一個好local嘅市集，一開始喺泰國鐵路局嘅廢棄鐵路調車場營辦，因為檔檔攤喺老倉庫、廢棄火車車廂賣廉價二手物而得名！後尾即使轉咗地點，依然照舊沿用「火車市集」呢個名，甚至開始有三個入口，對於黎曼谷想行夜市嘅朋友就更加方便喇！
而裡面最大、位於Srinakarin嘅火車市集，賣嘅嘢已經唔限古董同二手物品，而係全新嘅衣物、雜貨都有得賣，特色小食攤同酒吧更滿足你呢個大胃王！或者呢個夜市並唔係最潮，但佢適合任何年齡層嘅朋友，對當地人黎講亦都係朋友家人相聚嘅好地方。
▶︎交通：搭BTS到Udom Suk站以後，轉乘的士前往。
▶︎地址：srinakarin soi 51，Seacon Square Mega Shopping Mall旁
▶︎時間：週四至週日 17:00-01:00
▶︎實用資訊：Srinakarin火車市集Facebook
▶︎趣聞：唔好睇小 Seacon Square Mega Shopping Mall，佢喺Siam Paragon、Cantral World開幕前，係全泰國最大嘅購物商場黎架！
(圖片來源)
(圖片來源)
#4 中國城 China Town — 各種街頭小食嘅集中地
中國城位於曼谷華藍蓬火車站附近，早期移民嘅華人所以以開銀樓為業，因為好多人喺呢度買黃金，所以有黃金路之稱。呢度嘅小食檔相當多元化，外地人同 本土混搭嘅新口味，加上平易近人嘅價格，令呢度成為吃貨嘅天堂！（喺China Town 同 Khao Shan Rd. 之間，可以行到去超出名嘅泰式炒麵 Pad Thai餐館Thipsamai，每次都大排長龍架！）
▶︎交通：Chaophraya Express渡輪到Ratchawong Piern站落船｜搭地鐵至Hua Lamphong站下車步行10分鐘
▶︎建議停留時間：2小時
▶︎店家推薦：擁有百年歷史的「林珍香」肉鬆肉乾老店鋪
#5 PatPong Night Market — 與情色酒吧共街的帕蓬夜市
帕蓬夜市位於曼谷著名嘅紅燈區附近，以賣仿製品為主，由於觀光客好多，建議你可以唔使客氣由三折開始直接殺價！
而黎到帕蓬夜市，主要 嘅目的可能唔係買同食，而是體驗紅燈區嘅氣氛！夜市同兩邊GOGO Bar林立，形成「夜市酒吧共街」，就好似日本銀座嘅日本街咁，帶俾你刺激感十足嘅夜市體驗！（小編被昅嘅時候除左刺激其實更多係不知所措呀！！）另外呢 度仲有鋼管舞、人妖Show同泰拳Show，絕對會顛覆你對夜市嘅想像！
▶︎交通：搭BTS到Sala Daeng，出口1號近帕蓬夜市、3號近Boy Street、4號近日本街。可步行遊覽呢三個地方。
▶︎時間：18:00-00:00
▶︎建議停留時間：3小時
▶︎提醒：最好結伴同行，另外不要隨便上二樓嘅酒吧，有可能會在人多勢眾嘅狀態下被逼簽下價格不明嘅賬單。
#6 Asiatique — 一次滿足多種需求的綜合河濱夜市
Asiatique位於昭披耶河河畔，擁有相當寬敞嘅空間，同多數夜市街頭嘅氣氛唔同，行精緻簡潔嘅路線。裡面有精品設計嘅品牌進駐，賣銀飾、泰絲 等商品，仲可以買到超平嘅泰國手信。Shopping、填肚之後，可以去位於夜市內嘅show場睇人妖同泰拳表演！一個地方滿足多個願望，如果喺曼谷時間 唔多嘅話，用一個夜晚嘅時間黎Asiatique就啱喇！
▶︎交通：搭乘BTS到Saphan Taskin站後，除了步行外，亦可以從Sathorn碼頭乘免費接駁抵達。
▶︎參考時間：4-5小時
▶︎推薦拜訪：Calypso人妖秀 、泰拳表演、搭摩天輪看曼谷夜景、搭遊輪吃buffet
▶︎提醒：這裡的餐點價位較高（50-80港幣一餐）
▶︎建議：事先在網路上購買表演票券，會比現場購票優惠非常多！
(圖片來源)
(圖片來源)
#7 Khan Shan Rd. 考山路 —超Chill嘅露天酒吧夜市
考山路以Backpacker聚集知名，好多人喺行程安排上會將佢同大皇宮、玉佛寺擺埋一齊。日頭嘅時候，考山路有一種閒散嘅氣氛，鮮豔嘅招牌下， 按摩、彩繪Henna、手工藝品檔攤林立；而夜晚就係考山路熱鬧嘅開始，有Live band嘅酒吧、露天嘅餐廳，令呢度越夜越有活力！
▶︎交通：無直達地鐵，建議搭的士前往
▶︎推薦：除了吃以外，還可以來考山路附近的著名烹飪學校Maliwan學做菜！
▶︎其他：比起邊走邊吃嘅小食攤夜市，呢度可以俾你坐低食餐飯。
#8 ArtBox / Exhibition Flea Market (Pop UP!) — 文青必訪設計市集
最後小編要介紹自己心中嘅夜市第一名－ArtBox！相信大家或多或少都聽聞過曼谷嘅設計好犀利，而ArtBox夜市正正係以設計出發嘅文創市集，由2015年6月創辦至今雖然唔耐，但就已經廣受當地年輕人同旅客嘅喜愛。
呢度除咗手工藝品之外，仲會因應唔同節慶推出主題活動，所以攤位更加多元化！而ArtBox賣嘅食物都相當有特色，有裝喺輸血袋裡面嘅野飲俾你體驗做吸血鬼，或者將芒果糯米飯做成壽司造型，都令人忍唔住佩服泰國人嘅創意！
(圖片來源)
(圖片來源)
▶︎交通：乘BTS到Phrom Phong站下車，出6號出口，沿Sukhumvit Rd. 經 Benchasiri Park 即可抵達。
▶︎地址：238/7 Sukumvit 55 Thonglor 8, Bangkok, Thailand
▶︎實用資訊：ArtBox官網 ｜ArtBoxFacebook
▶︎營業時間：週五-週日 15:00-00:00
▶︎提醒：
1. 由於是「Pop Up Shop」的形式，記得上官網查詢活動的時間地點以免撲空。
2. 現場無得碌卡，請事先準備現金。
最後KKday幫你整理咗曼谷八大夜市嘅開放時間，原來每日都有夜市可以行！！
泰國係一個多元文化而又互相包容嘅城市，而呢種特色亦展現喺佢地嘅夜市文化上。主打美食、創意、古董、音樂表演等多樣嘅夜市風景，令夜市成為走訪曼谷不容錯過嘅地方，睇完係咪已經Book定機票酒店去曼谷旅行呢？
▲認識KKday▲
KKday-世界旅遊體驗網站，在全球 54個國家，174 個城市， 有 5000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的 喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁: www.kkday.com
KKday Facebook: KKday
