記者勇闖最潮Salon！曼谷剪髮真人實測

Aug 7 2016

作為一名泰國粉絲，當然要時常update泰國最新動向！最近我就在IG發現曼谷剪髮有間潮爆之選，除了是泰國明星變髮基地，我仲意外發現老闆原來係 G-Dragon 老友！唔睇猶自可，睇完滿腦子都是自己潮變的FF圖！於是我決定帶著Google Translate上路，去到泰國星級潮人salon 剪髮！語言不通加文化差異，任由chok爆髮型師魚肉的我，究竟會否一如所料成為泰國潮人？還是「彌敦道9號」2.0呢？

撰文：阿妹今晚去旅行｜攝影：Hong

睇文前、先去片：

以身試「髮」真人實測

開業一年多的Smile Club Hair Diner，在泰國潮人界無人不知。髮型屋由明星御用髮型師Sunny及Toni開設，仿傚歐洲Barber格局，唯一唔同係鋪頭歡迎女士光顧！幸好到訪當日勁lucky，碰到明星小鮮肉老闆Toni睇鋪，少女心即刻亂撞加尖叫，Toni身份特殊，明星御用髮型師只係兼職，正職係泰國演員，由於演藝事業如日方中，他於年前已宣佈封刀，今次他派出chok爆髮型師Dom操刀。

睇Instagram發現到訪人客以潮人居多，我不虞有詐，立即託當地朋友預約。

曼谷剪髮點溝通？ Google翻譯篇

聽說強項係飛髮的Dom，在室內依然霸氣地戴上黑超，實行忘我地chok爆！由於全場冇人講英文，我跟Dom全程用Google Translate溝通，不過他好像似懂飛懂的，而Google的泰譯中服務亦不太準確，以致大家講唔夠幾句已放低電話！為了令自己加倍安心，我決定飛髮前即席進行壓力測試！

travelogue_12 — 將關鍵字「瘦面」google translate成泰文，即惹來全場人爆笑，應該聽得明啩！

壓力測試篇

我先後攞3個離晒譜髮型問Dom意見，好彩佢統統say no，我都覺得合格啦！

飛髮測試篇

一心打算漂染的我，由於時間唔夠，於是Dom建議我剪頭髮。為咗營造視覺效果，Dom 就特別喺髮型方面搞花臣，諗到 UNDERCUT 加 SET 頭兩種玩法，等我多點變化咁話！不過對妙齡女子來說，剪短頭髮講求無比勇氣的，於是我將「我要瘦面」Google translate成泰文，確保他聽得明先開始。佢花了半小時將頭髮劃好幾個區域，然後便一刀切剪掉我10cm的長髮！當我後尾枕感到一絲涼意之際，他突然亮出電鏟來，仿似德州電鋸的聲音在我耳邊盤旋，我的內心著實感到一絲絲悔意啊！

travelogue_21 — 剪髮期間，Dom為我送上益力多welcome drink同珍寶珠，服務唔錯！

travelogue_22 — Undercut長度尷尬，唔講其實留意唔到，有點無謂！

中伏Set頭篇

剪到尾聲，Dom就主動送上set頭服務，怎料這竟是中伏的開始，為讓世人看見我的undercut，Dom竟幫我紮起馬尾來，塊包面一覽無遺！頂……唔順的我決定放下頭髮，驚覺自己跟韓劇的阿豬媽有幾分相似，驚覺自己跟韓劇的阿豬媽有幾分相似，望多兩望，同行友人竟然話我似華英雄，幾乎崩潰！返到酒店我即刻洗頭，好彩頭髮直返晒，個心先定落黎！！

travelogue_23 — Dom利用捲髮器將劉海捲成Pringles叔叔似的，著實令人費解。

<Before & After>

記者點評：

全程包埋洗剪吹大約花了2小時，感覺同香港剪差唔多，加上價錢900銖其實偏貴！不過salon係當地最top髮型屋，打卡呃like位都多。如果自問夠喪兼識泰文，就梗係打去搵 SUNNY 剪頭髮，出動埋老闆個價其實同香港差唔多！心思思又想試的朋友不妨由set頭開始，起碼有得返轉頭丫嘛！

travelogue_19 — 大老闆Sunny係古董控，唔少人都被枝大可樂fake到，原來只不係裝飾品。

travelogue_20 — 即使我最後冇染髮，但店員都會詳細講解漂染色澤及時間，勁有耐性。

travelogue_25 — 雖然set頭環節真心出事，不過好彩最後有得同明星老板瘋狂影寫真，個人先開心返晒！

Smileclub Hair Diner
地址：Soi Ekkamai 10, Khlong Tan Nuea, Vadhana, Bangkok 10250
營業時間：11am-8:30pm
費用：THB 900 (洗剪吹) /HK$199、THB 5000/HK$1,104 (漂染)
網址：www.facebook.com/smileclubthailand
交通：乘BTS到Thong Lo站下車，轉乘的士約15分鐘。

想知更多旅遊資訊及遊歷趣聞，就快啲like 阿妹今晚去旅行 facebook page 啦！