景點起底！5大全州仁川秘景揭秘@ Travel佳

最近方健儀X EGL的 韓國 廣告出街之後，好多friend子都問我Travel佳，歷史古城究竟係邊？正宗韓式定食係邊？浪漫童話村又係邊？！查實今次前主播都幾識玩，捐窿捐罅玩全州和仁川—香港人或許覺得陌生，但都係韓國人好hit的國內旅遊景點！今次Travel佳幫大家來個景點大起底！至於心郁郁出發、熟讀韓遊攻略的你，當然要上EGL Facebook （www.facebook.com/egltours），睇Director’s Cut啦！

【秘點1】做個正宗韓國人@韓屋村

「終～於～來～到～慢～城～」查實Akina不止搞gag，全州韓屋村真係以慢生活見稱，文青最愛！超過700多間傳統韓屋，當中拍戲常見的慶基殿和韓式天主教堂殿洞聖堂都是打卡聖地。除此之外，韓屋村還有很多小店、體驗館、民宿和餐廳，建議起碼預留5小時！Travel佳溫馨提示：逢星期六日，汽車禁入，更舒服！

地址：全羅北道全州市完山區御真街29 一帶
交通：乘地鐵 3號線，安國站下車
查詢：+82-63-282-1330（全州韓屋村旅遊諮詢處)

【秘點2】龍貓迷打卡點@壁畫村

去得韓屋村，一定要去埋對面的滋滿洞，亦即係令Akina童心大發的打龍聖地。這裡以前是貧民窟，石屋與韓屋村的傳統木屋感覺截然不同。後來有人開始在牆身畫畫，仲畫了好多熱門卡通如《千與千尋》、《龍貓》等，結果近幾年變成新興旅遊景點！不怕辛苦的話，建議行上山，可以俯瞰韓屋村景色。

地址：全羅北道全州市完山區御真街29 一帶
交通：乘地鐵 3號線，安國站下車
查詢：+82-63-282-1330（全州韓屋村旅遊諮詢處 ）

【秘點3】識返個文青Oppa@青年廣場

當地人行夜市食宵夜鍾意去南部市場，但點解Akina會日頭去呢？皆因位於南部市場二樓的是青年廣場，驟眼睇很懷舊，但細睇其實全部都是後生仔經營的小店。原來這裡是政府活化的文創景點，好多雜貨小店、占卜房、哲學館、美食小店等等，感覺好chic好有活力，難怪不少blogger都大讚有驚喜！

南部市場
營業時間：9am – 9:30pm
地址：全羅北道全州市完山區殿洞3街2-241
交通：於全州站搭乘119號，於南部市場下車
查詢：+82-63-284-1344

【秘點4】隨時撞到韓星@松月洞童話村

遊唐人街，Travel佳我就未必有興趣！之不過隱藏在唐人街的松月洞童話村，就是不少韓國綜藝節目的取景勝地，值得一遊。小區以童話故事為主題，成條街都是色彩繽紛的壁畫和公仔，如小紅帽、青蛙王子、阿拉丁神燈等等，有種遊樂場的夢幻感覺，細路一定岩。至於Akina講的「七步踏上七彩樓梯會帶來好運」，實屬方氏傳說，搏君一笑，但又確是必去打卡勝地！

地址：仁川廣域市中區童話村街38 (松月洞3街)一帶
交通：地鐵1號線仁川站
查詢：032-760-6484（仁川中區廳觀光振興室 ）

【秘點5】海鷗呃蝦條@月尾島

段片睇到最後，Akina去咗餵海鷗，即刻令人諗起澳洲班惡死海鷗！其實就是旅遊勝地月尾島！當地人好鍾意搭船去月尾島擦海鮮行文化大街，都是旅行團指定行程。但原來搭船時可以花2,000krw / HK$14 買包蝦條餵海鷗，海鷗飛到你眼前搶食，好過癮！Travel佳溫馨提示：小心中頭獎，皆因船身不少雀屎！

地址：仁川廣域市中區月尾路252 (北城洞1街)一帶
交通：搭乘仁川市區公車時，於仁川站搭乘2、15、23、45號公車
查詢：+82-32-765-4169（月尾島旅遊諮詢處 ）