日本山系精品! 10大露營心思小物
1.雪峰幾何料理石
只要喺飲料中加入呢個已煮熱嘅料理石，咁飲料就可得到保溫。佢有另一個特式就係可以保充鐵質，料理石並冇經過鍍膜程序，所以使用後可以用茶葉一齊煮，可以防止生銹。如果發現銹跡都可以輕易磨走再重用！
2. 緊急救命Live Fire
在郊外一唔小心盪失路好易連命仔都冇，如果隨身袋定呢個點火棒，都可能可以隨機應變一下！
3. 迷你擋風篝火架
呢個迷你火架可以擋風，防止入面嘅火唔會熄。冇火種都唔緊要，可以直接放柴入去燒，煮食取暖兩用非常方便。架嘅頂頂有位置可以當BBQ架一樣放上串燒任佢烤。
4. 熱烘三文治工具
香港人去露營多數帶煎pan，但日本人就會帶埋個三文治爐去烘麵包整三文治。
5. 防碎雞蛋盒
之前去露營聽過有人提議帶雞蛋，但係大家都知雞蛋一撞就碎！呢個裝雞蛋嘅盒仔真係啱晒露營都要帶蛋嘅人。
6. 多用途防熱布
好多戶外煮食營具都係用不銹鋼或者易傳熱物料整，所以一唔少心好易就會整親。日本人發現到呢點，推出呢塊防熱布，無論係拎鑊定係想開蓋都唔怕，另外仲可以用嚟當杯墊！
【fam Spring Issue 2016 付録情報】付録情報公開します！ 3月25日発売の『fam Spring Issue 2016』の付録は、CHUMS×GRIP SWANYのWロゴ入りの「本革製スキレットハンドルカバー」です！ただ、このハンドルカバー、普通のハンドルカバーではありません！ とにかく“使える”んです！！！！まずは、こちらの動画をチェックしてみてください！
Posted by グッズ＆ライフスタイル誌 fam（ファム） on Sunday, 13 March 2016
7. 露營必要小摺凳
去郊外成日坐住地下應該會好攰，所以最好帶張凳仔過去！但見好多日本網站賣緊嘅凳仔都好多功能，一邊有啲細袋仔俾人放嘢，一邊有張枱。
8. 輕便杯架
露營時候你四周圍唔一定會有枱好好咁放住你隻杯，有個杯架掛係方便嘅地方，就唔會怕一起身或者亂郁就整跌自己個杯！
9. 夢幻露營燈
去得露營都一定係郊區而且冇街燈，喺四處都黑晒嘅地方，開返著個營燈，即刻有返晒安全感！
10. 戶外煙灰缸
食煙嘅朋友去郊外就當然唔可以亂掉煙頭，因為好易會引起火災！所以隨身帶備一個戶外煙灰缸就可以方便自己又唔會有意外發生！
