日本小資女推介! $12 多用途蜂皇美容液! 好用嗎？

Apr 2 2016

扮靚是女生的日常生活，由頭到腳，由洗面到精華，真係用唔少錢。最近朋友介紹咗支$12店的美容液，網上口碑不錯，仲話功能好多，搽頭髮、面、指甲都得，係咪真係又平又好用？即睇試用報告啦！

日本女生最愛高關注美容液

呢款產品喺日本叫「RJローション蜂王漿美容液」，100円店一直都係熱賣之選，好多日本女仔都用緊，在日本大型化妝網站Cosme.com的蜂皇美容液榜中，排行第10位，關注度多達800條Comment！

有網民是因為聽聞可促進毛髮生長所以好奇一試，雖然一開始有啲懷疑，但當佢當睫毛生長液擦時又見到有顯著效果，睫毛變得濃密又烏黑！而且價廉物美，令佢愛不釋手！

又有網民指使用後覺得好滋潤，唔會受到酒精所煩惱，而且仲推介大家試下用作護髮同埋用來按摩身體！

以下是介紹呢支美容液嘅YouTube片，該片有10,000多點擊率，可想而之大家都好關心呢樣產品。

另外一個日本有名Youtuber都介紹，點擊率有成10,000多，在日本相當之紅！

到底用來搽面之外，呢支美容液仲可以點用？

1. 睫毛長度UP！

香港女仔好少會用美容液當做睫毛增長液，相反日本女仔試用後都有明顯的效果，話眼睫毛密咗！

2. 媲美護髮素效果 日本網站上可以看到不少人都會用美容液當免沖洗護髮素咁用，只要洗完頭後，將頭髮盡量抹乾，再塗上適量的美容液於髮尾便可。

3. 混合面膜粉提升濕度

有網友平時用開面膜粉，但每次15分鐘之後就已經乾晒，想敷多5分鐘都唔得。當佢加入咗10滴美容液落面膜粉後，發現可以持久至25分鐘才乾，加強保濕力！

4. 妝容更持久

平時化妝前就算打好底，完妝後都覺得乾？其實可以試下於BB Cream 或CC Cream中混入美容液，咁樣個妝感就會水滑、貼服有光澤，避免有脫皮、浮妝同乾紋出現。

5. 作潤膚露全身按摩

沖完涼之後，可以將美容液加入潤膚露，因其滋潤度高，所以擦勻全身後可以再按摩，有保濕功效。

6. 護理指甲防乾裂

手腳指甲邊好多時都因為冇做足夠保養而變得好乾，甚至會甩皮，聽聞只要擦少少就可以改善呢個情況！

仔細看瓶上的成份，發現不但有酒精成份，而且有methylparaben和propylparaben這種兩種防腐劑，有研究指會加速衰老，更有機會致癌，現代女性都盡量避免用這兩種成份，所以Hello Pinkey唔敢搽呢支蜂皇漿美容液上面，只試用來搽頭髮和指甲邊。

吸收度：✭✭✭✭✭
吸收得好快，爽身，但明顯聞到有酒精味，酒精的確有助吸收，但不宜常用於皮膚上。

滋潤度：✭✭✭✩✩
合格，搽髮尾夠潤，但搽指甲邊則未夠滋潤。

抵用度：✭✭✭✭✭
$12/支，超平～

總結：

吸收得快，滋潤度ok，價錢好平，但可能真係一分錢一分貨，成份似乎麻麻，如果經濟情況許可，可以有其他更好選擇～

地址：尖沙咀The One LG1及LG2全層（顯示地圖）
電話：2673 6108