日圓繼續跌！ 日本 鳩嗚退稅大解說 + 買「撈」熱點推介
日圓匯率由2012年至今累計已眨值37%，加上 日本 上年10月實施的新稅制連食品、飲料、藥妝品等等都可以退稅，即是大部份物品都平成差不多6折！點買先最抵？加埋退稅會唔會平得濟？
影片解說：
鳩嗚退稅睇真啲！
日本的消費稅由上年4月加到8% 後，如果唔識利用遊客的身份去享有免稅品，真係蝕好多！要留意東京的成田及羽田機場皆沒有退稅服務，所有手續皆在店舖內進行，但一些大型店舖如藥妝店「松本清」並不是每間都有得退稅，入舖頭前記得睇清楚，又或者去日本官方的免稅商店網站查清楚啦！
網民迷思！免稅品放寄艙行李可以嗎？
當然可以！特別是液體的免稅品，如果不寄艙，是不可帶上飛機的，最後要棄掉，十分可惜！
直擊退稅實況！
自從上年年尾連食品、藥妝都可以退稅，令不少女士去到日本都流連藥妝店，但鳩嗚完點退稅呢？依家即刻示範畀大家睇！
慎防買得過多 請考慮郵寄
如果有心血拼，早在買機票時預訂多一兩個回程行李當然最抵，若預計唔到自己買多咗，以HK express為例後補一個20kg的行李就要$430，萬一買到你根本拎唔晒，咁就要直接郵寄返屋企！
用銀聯卡 更多折扣
日本不少免稅店都有用銀聯卡再折5%優惠，但要留意不是所有銀行的銀聯卡都免簽帳手續費，其中恒生及滙豐銀行就會收番1%手續費。
實用資料
實用網址： www.taxfree.com（日本政府免稅店官方網站）
下頁續：依家去日本，最筍係買「撈」？
有咩必定要買？識買一定係買「撈」。
歐元持續疲弱，瑞士製的勞力士有價有市，看情況價格還會持續上升！
現在不買來保值，等幾時？
奢侈地慳家！買「撈」平近萬蚊！
自從今年日圓跌破6.6，各大討論區都有人問去日本買咩好，用番「件貨愈貴，慳得愈多」的道理，一眾奢侈品，如名牌時裝、電子產品等，在日本買慳千多元就必定的，可惜早前蘋果已率先調整價格，買iPhone、MacBook價錢同香港差不多。如果想打如意算盤，就一定要買代表身份的勞力士，分分鐘慳成萬蚊！至於相機，不會比香港便宜太多，而且有些品牌沒有全球保養，所以發燒友多數來尋找極罕或限量產品。
在東京最大的攝影器材公司Map Camera本館除了相機外，亦設有鐘錶樓層，新舊款皆有，二手都打理得宜，無論外形還是價錢比自己上網找到的都更理想！
港客最愛？
Map Camera經理中野先生指最近很受歡迎的款式，在勞力士來說是中等價格，記者亦在網上看到有不少人放售，出價高於香港行貨的價格達HK$99,000，可見有幾Hit！依家可以慳成萬蚊，真係笑出聲啦！
另一必「鳩」重鎮：激罕二手相機
Map Camera樓高6層，有升降機，又有梳化給你坐，感覺安全又舒適，唔似一般街上大型連鎖店，亦有懂英文的職員解答問題，初入門者都絕對放心！
Map Camera
地址：東京都新宿區西新宿1-12-5
電話：+81（0）3-3342-3381
營業時間：10:30am-8:30pm
網址：www.mapcamera.com
交通：新宿駅西口出，在新宿郵局轉左走，便會看到Map Camera招牌
仲有其他日本抵買推介，詳情就睇第805期新假期啦！
延伸閱讀：
