新航全新貴賓室歎叻沙

唔知大家覺唔覺香港機場愈來愈似商場，左Chanel 右Rolex 咁富貴，但食嘢硬係搵唔到位，所以過海關後有得揀梗係避入貴賓室舒適等上機。早前陳潔儀大讚的新加坡航空候機室，原來正是機場15號閘前的Silver KrisLounge，當時尚未grand open，不過已經令佢感到極好服務而且非常溫暖。新貴賓室分為商務及頭等專區，其實服務相若，均設自助用餐區、休息間、沐浴室及私人工作區域，整體配置有如家一樣，休息和工作區更細心設有電掣及USB 插座，方便離港前最後衝刺，上機前要醫肚更可柯打星洲招牌叻沙或雲吞麵，或到酒吧歎杯Piper-Heidsieck 香檳微醺登機，最重要係新航客機都停泊在離貴賓室不遠的閘口，優雅登機唔止Kit Chan 先可以！