搭飛機 的十誡 @ Mr. Pilot
不得不知 搭飛機 的十誡
1. 你不應該將有需要服用的藥物寄艙
有些乘客明明需要定時食藥（例如高血壓藥、糖尿病藥等等），但又將藥物寄艙，真係名乎其實的「搵命博」。
2. 你不應該與機場保安人員爭吵
全球各機場的保安要求並不統一，所以過安檢最簡單快捷的方法就是他們叫你做乜你就做乜，因為即使我們這些著制服的都冇情講！如果你同佢地嘈，最終可能連飛機都上唔到！
3. 你不應該只顧購物而遲了到登機閘口
你估你係發叔呀？事實已經証明，即使發叔遲到都等佢唔到啦，飛機亦是一樣！你曾經試過有班機等你？你純粹好彩咋，因為班機其實等緊其他嘢，唔關你事。
4. 你不應該上了飛機才要求調位
你這樣做既會勞煩其他乘客，亦會勞煩到空姐空少，更加毫無成功的保證。為甚麼你不在機場辦理登機手續時，一早向地勤人員提出，以便他們安排呢？
5. 你不應該叫空姐空少幫你搬行李
如果你件 carry-on 行李太重或者你自己太懶，你絕對可以及有權在 check-in 時將你的行李寄艙。如果你叫空姐空少幫手，佢地絕對可以及有權拒絕你，或者將你件行李擺到母雷公咁遠，或者將你件行李攞番去寄艙。到時你唔好扭計。
6. 你不應該在飛機起飛前除鞋
若須要緊急途生，你想著住鞋走定赤腳走？仲有，千祈唔好諗住攞番行李！所以我建議，銀包電話鎖鑰 passport 最好放在衫袋褲袋，隨時跟身。走得快好世界，走得摩可能唔止冇鼻哥。
Peek-a-boo! #passengershaming #FLYINGFEET #crewlife #cabincrew #avgeek #aviation #flightattendantproblems #airtravel #traveltips #cabincrewlife #passengers #flight #airplane #sassystew #flightattendantlife #rantsofasassystew #sassystews
Passenger Shaming（@passengershaming）張貼的相片 於 張貼
7. 你不應該以尊貴會員的身分諸多要求
對不起，飛機上有時真的會員多個非會員。再者，飛機上的階級觀念極重，而你的座位就是你的階級，所以如果你是鑽石級會員但係坐經濟艙，請你唔好期望頭等服務。
8. 你不應該詐病搏 upgrade
如果你在飛機上病倒，我們會提供一切的協助，包括機上的醫藥箱，使用衛星電話聯絡醫生，甚至轉飛至其他地方讓你盡快得到醫療服務。但是，若你是詐病的話，你的後果會不堪設想，嘿！
9. 你不應該在飛機上吸煙
飛機上有些規矩是不會有兩次機會的，而吸煙就是其中之一。所以，不要以為躲在洗手間內吸煙就會無人知，因為你很可能會一次就被斷正。你也不想在到達目的地後要浪費時間到警署走一趟吧？
10. 你不應該罔顧安全帶燈號
不論起飛前巡航中還是降落後，安全帶燈號亮著就請扣上安全帶，因為成隻飛機入面最容易爛嘅嘢就係你，你估我地真係得閒冇野用就開著 seat belt sign 搞搞陣咩？
