捷星飛大阪搭得過周日公布7月新優惠

Mar 13 2015

$66捷星飛大阪超平機票早就賣斷，搶唔到的哈日迷請放心！上周六我已代大家試搭首航，整體感覺確實不錯。難得首航當天飛機準時起飛及抵達，過程極順利，搣甩廉航例遲壞印象！原以為座位會狹窄，以身高158公分的女生來說，座位唔迫夾，腳底仍有位伸展，也不會跟鄰座互貼手踭，且軟身椅子相當舒服（比國X 更好坐，雖然娛樂設施欠奉！）。眼利旅者都知，3月尾將改為晚9出發，雖然去程唔駛請假，但凌晨2時抵步，除了貴價的士根本無車出機場！好消息是，捷星將會同機場巴士公司合作，將新增一班凌晨車接大家出大阪站，不用呆坐機場，可以放低行李去歎個靚早餐！車費等詳情要3月底公布及實行，但以東京為例，原本3千円的機場巴，捷星專車會平賣900円一位，可預料大阪車費亦會平一截。至於7月的暑期機票優惠，就要等今周日（3月15日）開賣才開估，叫人極期待，而公關話只能透露航班時間應該無變，但已傾緊增加航班，比現時每周三班更多，方便大家喎！

首航有咩著數：

開航當日有得玩問答遊戲，答中，即有機上限定紀念品價值¥2,200的Jetter 公仔一隻！

幾時都話搭首航有著數，失驚無神在機上大抽獎　份獎品包括熊本、大分及札幌的手信，兼附加¥3,000機票折扣劵！

機上設施：

比一般廉航闊 - 全機180個位，3人一排，普通座位也較一般廉航闊，試坐過腳不用屈成90度直角~ — 比一般廉航闊 – 全機180個位，3人一排，普通座位也較一般廉航闊，試坐過腳不用屈成90度直角~

坐走火通道位置的座位，model Kaman要伸長手先掂到前座的椅背，手長腳長者加錢都要坐。

女人最愛的SKII、LANCÔME及L'OCCOTANE等品牌都有齊，款式不多，好在有免稅限定商品供應，買到落機。 — 女人最愛的SKII、LANCÔME及L’OCCOTANE等品牌都有齊，款式不多，好在有免稅限定商品供應，買到落機。

機上唯一的娛樂inflight magazine全本只有日語，不諳日語者可疊埋心水瞓足全程機。

原打算試下在LAWSON的LOPPI自動購票機買張回程機票，可惜暫時只有日語版本。

機上膳食

熱食供應只限於事前網上預訂，其他飽肚小食包括有咖哩包、豬扒三文治、熱狗、炸雞及杯麵，而口痕友則可以點日本零食及蛋糕仔（¥150/HK＄9.7起），提提大家畀日圓抵過港紙呀（賣¥800的太妃糖，付港幣則要＄60），找錢只有日圓。

機上餐飲好味 - 熱食供應只限事前網上預訂，每款HK$70，但可即場點杯麵、小吃與零食，全是日本貨！ — 機上餐飲好味 – 熱食供應只限事前網上預訂，每款HK$70，但可即場點杯麵、小吃與零食，全是日本貨！仲有伊藤園紙包果汁，盛惠 ¥250!

機艙服務:

捷星日本的員工合共697名，每班航班有4名空中服務員提供服務，服務員能操英語及日語，服務不錯。

試搭特派員⊕Kaman - 要留意免費7公斤的手提行李，地勤執得較緊會要求過磅，大家無謂博大霧，到時被罰超重就得不償失。 — 試搭特派員⊕Kaman – 要留意免費7公斤的手提行李，地勤執得較緊會要求過磅，大家無謂博大霧，到時被罰超重就得不償失。

首航乘客⊕曾先生 - 作為男生都覺座位夠寬，不用屈住。而單程買，由大阪入，東京走，有彈性，可玩多幾個地方。 — 首航乘客⊕曾先生 – 作為男生都覺座位夠寬，不用屈住。而單程買，由大阪入，東京走，有彈性，可玩多幾個地方。

捷星日本
接載旅客：7,000,000人次，佔日本LCC市場56%
航點：遍佈日本11個目的地，18條航線（大阪、東京、札幌、高松、松山、名古屋、福岡、大分、熊本、鹿兒島、沖繩）
航班：來往香港及大阪每周三班，日本國內每天112班
票價： 60%票價低於¥7,000/HK$453
網絡：可在日本全國的LAWSON便利店內超過12,000部的LOPPI自動售賣機購買機票
飛機：機隊有20架A320客機，平場機齡只有1.9年

捷星日本單程香港前往大阪
票價:＄499 起
稅及燃油附加費:＄207
行李費: $190/20公斤

網址: www.jetstar.com/hk/en/home

更多日本旅遊資訊：日本9大傳統特色火鍋睇到流口水！

世界初！羅馬Kitty浴場

關鍵詞

jetsatr 大阪廉航首航