復活節澳門遊│2萬呎海景全棟兩層上層任食正宗巴西燒烤+下層自選漁港海鮮＠Dining娜

Mar 24 2018

唔經唔覺嚟到今年第二個長假期，今個復活節長假期我Dining娜就決定用近近地一小時船程去澳門放鬆放鬆先！喺香港都出名食得刁鑽至鍾意四出覓食，我Dining娜去到澳門當然唔例外啦。從我班澳門朋友處得知，有棟2萬呎海岸餐廳於3月30日正式開業！上層係食正宗巴西烤肉，下層食澳洲式漁港海鮮，香港真係極少有，聽到已經急不及待即刻想試，復活節期間仲有巴西嘉年華活動好有氣氛，呢次復活節澳門遊，率先睇定有咩食先！

Photo：由Rio Grill提供

（Presented by Rio Grill）

任食專人即切正宗巴西炭火燒烤 +漁港海鮮市場

呢棟兩層高海岸餐廳原來正正位於澳門漁人碼頭入面，環境夠晒舒適寬敞，望住個海景食飯真係心曠神怡呀，啱晒我高要求嘅Dining娜～

上層係港澳最大傳統巴西炭火燒烤餐廳，以正宗Rodizio方式供應，即把烤好原嚿肉串，由專人喺你面前即場切割，無限供應份量。每晚備有十幾款巴西烤肉種類，不同部位嘅牛肉類、豬肉中嘅肋排、雞肉及羊肉等，以及即製沙律吧、特色巴西飲品，全部用傳統巴西風味烤成，至啱約埋我班大胃王朋友啦～

下層係環境極開揚漁港海鮮，一入到去已見到大量新鮮海產，每日直送餐廳，好似去到澳洲海港漁市場一樣，除咗新鮮刺身外，最時令精選海鮮應有盡有，龍蝦、海魚、蝦及貝殼類等，仲有生蠔區供應世界各地肥美靚品種生蠔。自選好心水海鮮後，於開放式廚房交由廚師即場點選最合你口味方法煮成，無論係蒸、焗定香炒同樣無問題～仲可以向店員詢問意見，總之係喜歡海鮮人士必like品嘗方式～

下層另一角落係寫意Café休閒區，於澳門漁人碼頭玩到累想休息一下，感受一下海岸邊的舒適海風，飲一杯咖啡熱飲同食一件手作蛋糕或麵包，絕對是一件賞心樂事。