濟州航空換畫快狠準 ex-Captain粉絲情何以堪？！

May 15 2016

韓國旅遊界觸覺向來敏銳，代言人換畫時機快狠準，阿珍認為當中以濟州航空最貼行情！回想去年同一時間，讓一眾豬妹朝思暮想的OPPA還是「都教授」金秀賢，航空公司即時重金禮聘秀賢OPPA做代言人，可惜隨著韓劇《太陽的後裔》熱播，飾演「劉大尉」的宋仲基風頭一時無兩，

濟州航空換畫

濟州航空上星期以年度合約期滿之便，正式轉用宋仲基為最新代言人！好現實？唔算喇！有本地網站將兩位男神作比拼，宋仲基更以10倍票數由頭帶到落尾，傷透一班死忠「秀賢粉」的玻璃心，不停留言援引數據、澄清偶像人氣仍舊堅挺冠絕亞洲！阿珍份人好均真，加上向來有少少「臉盲症」，邊個打邊個韓仔其實無乜所謂，唯一有少少介懷嘅係「都教授」代言期間嗰個髮型相當出事，有比較之下尤其突兀！況且，貪新忘舊向來係娛圈潛規則，你估個個豬妹都似Leon粉絲咁忠堅咩？