巴黎茶記@陳細

咿, 原來巴黎都有大件夾抵食的茶記喎。

說的是大名鼎鼎旅遊書成日推介的 Bouillon Chartier!
Bouillon 在法文中是肉湯的意思, 名字由來據說是因為老闆 Chartier 先生本來就是肉販出身, 不過今時今日 Bouillon 都可以解作canteen。生於十九世紀末的 Chartier 眼見成個巴黎得 D 貴貴餐廳, 平民大眾的午飯除了冷冰冰法包三文治就幾乎沒其他選擇, 所以把心一橫摺左肉店, 改為開一間大眾飯堂, 賣的是最最最最最地道的法國菜: 紅酒燉牛肉, 蒜香烤蝸牛, 油封鴨脾, 酸菜熬肉…….等等。前菜 3 euros 有交易, 主菜也是8-15euros 左右, 散叫又得跟餐又得隨意配搭, 重點是不分階級人人負擔得起又食得開心食得飽 (突然覺得老闆你根本是十九世紀的深水埗明哥吧!)。

既然是平野就當然不能太貪心, Chartier 的菜色就像茶記白汁膽一樣每天晨早預備好, 雖然不是即叫即整, 但絕對沒有辜負大家對美味的要求, 甜點仲要做得很精緻。服務呢, 算是打破了法國人一貫以來要比人服侍食飯的風氣, 雖然未有澳牛咁緊要, 但還是要快狠準拿拿聲食完下一輪客又來了。

講到呢度, 大家幻想中的 Chartier 是咪應該有少少 “up得” 兼唔係幾光鮮? 你錯了。相反! 餐廳雖然藏身內街, 但走過旋轉玻璃門, 你會發現仍然保留著 19 世紀華麗麗風格的內室閃令令 fancy 到唔講得笑, 比不少巴黎三,四星酒店的餐廳還要骨子, 而且侍應哥哥們都是正裝煲呔上陣。最有趣的是你落單, 他就直接在桌上的餐紙上寫低, 跟 COT, CO7 根本沒分別嘛, 結帳時順便表演快到嚇親你嘅心算!

圖1 : 晚上9點仍然排長龍!
圖2: 轉轉門 <3, 其他貴貴餐廳反而未必有!
圖3: 靚到 dum 一聲的內室, 覺得自己又去左 midnight in paris!

在 Chartier 吃飯是個快樂的用餐體驗, 其實食物都係果 D 啦, 很多地道小餐館都有, 最愛反而是佢 D 位坐到迫迫地, D茶 客又嘈嘈地, 仲要搭台! 喂, 其實好香港。

圖4: 極速心算中的侍應哥哥, 你睇佢執鬚就知係一個好有要求既人!
圖5: 其實個個搭台又坐得好迫, 不過好處係, 隔離兩對遊客, 食食下飯已經 friend 左!

Bouillon Chartier
address : 7 rue du Faubourg Montmartre 75009 Paris
Metro: Grands Boulevards (line9)
Tel:01 47 70 86 29

(cover image from :LeBouillon Chartierofficial google+)

facebook.com/crepes.de.france.and.alyse
instagram.com/alysechansaisai

延伸閱讀：即刻變身巴黎人亦得! @陳細