尋味澳門8大好食推介＠Travel佳

阿佳成日收到朋友嘅求救message，話帶咗女朋友過 澳門 玩，急問心水餐廳推介。唉，廣告都有教：「機會係留番畀有準備嘅人」，為咗各位男士們嘅幸福，今次阿佳會一次過推介 澳門 8大好食推介，全部都係酒店級水準，包你喺女朋友仔面前攞滿分！順帶一提，用Mastercard有大量飲食折扣同禮遇，兩個人坐金光飛航頭等艙來回港澳，仲只需一人價錢咋，快啲plan番個甜蜜豪華 澳門 之旅冧下女友啦！

推介一：大師級日式料理

有一種女友，係去到邊都要食日本嘢，咁澳門新濠影滙嘅「Hide Yamamoto山本秀正餐廳」係你嘅不二之選！齋睇銜頭 — 由曾獲得「全球主廚獎」美譽嘅日本名廚山本秀正主理，已經夠吸睛，餐廳主廚仲出名對食材要求高，睇佢連午市套餐都用盡新鮮當造食材，如日本空運到港嘅雪蟹、龍蝦、海膽、黑松露等，就可以深深感受到日廚對美食嘅堅持！而家用World或World Elite Mastercard可以優惠價MOP888 / 兩位享用午市套餐，原價要MOP1,188/ 位㗎，記得提前預約喇！

推介二：「意」亂情迷浪漫派

想氣氛浪漫啲，西餐係最穩陣嘅選擇！澳門新濠鋒酒店嘅「奧羅拉」，係一間充滿意大利風情嘅西餐廳，從佢簡約舒適嘅室內設計同開揚嘅露天雅座就可以感受得到；食物方面，廚師團隊好努力鑽研廚藝同食材配搭，為傳統意菜加入唔少創意元素，菜式造型仲刻意保留番意式細膩浪漫嘅特點，同女友嚟食個燭光晚餐再飲番杯，真係齋諗都正呀！

推介三：任食沖繩美味

女友鍾意食buffet嘅話，澳門新濠鋒酒店「吉良」嘅沖繩自助晚餐，就可以畀佢一次過食勻沖繩名物，好似阿古里黑豚、海葡萄、涼瓜料理、海鮮燒餅等，開餐前，餐廳仲會為每位客人送上一客海膽壽司手卷同鐵板鵝肝，用Mastercard仲有85折優惠，超抵食呀！

推介四：一試愛上的天婦羅

呢間喺澳門新濠鋒酒店嘅「天政」天婦羅專門店，係「天政」唯一一家日本以外嘅分店，自然功架十足啦！餐廳每星期分5次由日本進口食材，以確保食物嘅質素同新鮮度。多款頂級天婦羅料理即點即製，外皮炸得鬆脆，包住鮮嫩嘅內餡，包女友食到舔舔脷呀！記住帶Mastercard，單點餐飲有85折。

推介五：出得廳堂潮州名菜

邊個話潮州菜唔出得大場面？就算今日女友生日，嚟「季風」一啲都唔失禮！佢係澳門潮菜嘅代表，有一系列由廚師團隊精心炮製嘅名菜，包括潮州滷水拼盤、雜菌炒牛柳絲及煎蠔仔烙等，款款都原汁原味，有唔少捧場客㗎。

推介六：創意粵菜之選

傳統粵菜食到悶？咁你應該未嚟過「帝影樓」，呢度嘅菜式集傳統精髓同新派創意於一身，廚師大膽地將台、日、韓等亞洲菜元素融入粵菜入面，由家常小菜到精緻美點都帶畀你味覺同視覺嘅新鮮感，話你知中華廚藝仲有好多無限可能！提提你，用Mastercard單點餐飲有85折㗎！

推介七：醉人澳門夜色

想威番下，帶女友感受澳門多姿多彩嘅夜生活？嚟澳門新濠鋒頂樓嘅「38」酒廊，一定唔會令佢失望！呢度有大量酒品選擇，舒適嘅座椅設計，現場音樂表演，加上居高臨下嘅澳門夜景，等你同女友喺輕鬆自在嘅氣氛之中，盡情飲酒談心！記得用Mastercard埋單，單點飲品有85折。

推介八：樂遊賞輕鬆賺5%獎賞

去澳門用Mastercard，點止以上嘅飲食優惠？即刻註冊埋Mastercard樂遊賞，就可以一年365日喺咁多間澳門樂遊賞參與商戶簽賬，自動拎到相等於有效簽賬金額5%嘅樂遊賞積分，累積積分到指定數量就可兌換獎勵商戶禮券或者Mastercard預付卡， 就係咁簡單！

交通資訊：金光頭等買一送一

來回港澳嘅船程雖然只係1個鐘左右，但一樣要歎到盡，識坐一定坐頭等艙！而家用World或World Elite Mastercard買金光飛航頭等艙船票，有買一送一優惠， 可以同女友一齊坐舒服嘅對座式連桌座位，一邊享用免費小食、飲品，仲可以拖住手欣賞窗外靚景致，搭船都sweet過人。

以上優惠推廣期由即日起至2016年12月31日，須受有關條款及細則約束，詳情請瀏覽www1.mastercard.com.hk。