深圳新商場壹方匯開幕！免費穿梭巴士往返深圳灣＋多間人氣食店進駐
廣告
壹方匯｜北上旅遊時間就是金錢～最緊要把握時間吃喝玩樂，深圳南山呢間新開嘅商場「壹方匯」就非常方便香港人啦！商場除咗有齊打卡位、人氣餐廳、多元化娛樂設施外，更設有免費穿梭巴士往返深圳灣，可以話係一站式服務超級方便呀，即睇詳情～
深圳南山商場壹方匯正式開幕！免費穿梭巴士往返深圳灣＋多間人氣食店進駐
位於南山區嘅壹方匯商場佔地面積約8萬平方米，差唔多有10個標準足球場咁大，地上4層以及地下2層全方位包辦顧客需要：購物、休憩、飲食、娛樂、打卡都可以喺呢度一次過享受曬！
壹方匯｜多間人氣食店進駐
壹方匯內設有非常多嘅餐廳，客人可以根據自己預算及喜好選擇唔同國家、價位、用餐環境嘅餐廳，滿足每一位嘅口味～商場有多間人氣食店進駐包括：東北烤肉「西塔老太太」、提供賣相吸睛嘅烘焙產品及手搖飲品嘅「奈雪の茶」、首創榴槤pizza嘅「樂凱撒披薩」等等，華南人氣茶飲店「東方梔子」及文青必到咖啡店「地球森林·咖啡魔盒」亦在此開設深圳首間分店。
壹方匯｜購物娛樂體驗
商場內集不同種類嘅店舖於一身，無論你係想買衫褲鞋襪、名牌首飾、運動用品、潮流玩具都應有盡有！必行露營用品專賣店「Naturehike」及「wildNOW」、專門售賣各式不同年代黑膠唱片收蔵嘅「超級黑膠工廠」、全國首家單車體驗中心「SRAM」，選擇非常豐富！
壹方匯｜深圳灣口岸設免費巴士直達
壹方匯位於南山前海，其實距離深圳灣口岸只需要15分鐘車程。大家除咗可以乘坐深圳地鐵5號線至「桂灣站」A2出口外，而家亦都有一個更加推薦嘅前往方法：就係深圳巴士集團最新推出嘅「寶安中心區文旅專線」，提供免費穿梭巴士往返深圳灣口岸，每日嘅服務時間係早上9:00至晚上20:00，班次為20至30分鐘一班，交通可以話係相當之方便快捷！
壹方匯｜開放詳情
| 壹方匯開放詳情 | |
| 地址 | 深圳市南山區南山街道聽海大道5059號 |
| 開放時間 | 星期一至日全日二十四小時營運（部份店舖及設施會在指定時間關閉） |
| 前往方法 | 於深圳灣口岸乘搭免費穿梭巴士「深圳灣口岸 – 寶安中心區文旅專線」至「桂灣地鐵站」 |
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
關鍵詞
旅遊
撰文：Yuki Lee圖片來源：新假期編輯部
