搭長途機必備法寶！國泰A350經濟艙 3大升級設備@Miss Sunny

Miss Sunny 成日四圍飛，可以逃離香港係好開心，但到埗前閒閒哋要搭十幾個鐘長途機，屈喺經濟艙都咪話唔辛苦！唔少人都會做足準備，帶齊充電器、頭枕、眼罩，仲下載定歌 list、電視劇、電影，實行長期作戰！不過身經百戰嘅我都係覺得，與其帶咁多嘢上機，不如揀架好啲嘅飛機！好似國泰航空最新嘅 A350-1000 經濟艙就有齊喺飛機上所需要嘅嘢，咁就可以輕輕鬆鬆上機啦！

機上充電，尿袋bye-bye

人人手機不離手，就算再大嘅尿袋都有無電嘅時候。更可況搭咁耐飛機，不停利用機艙提供嘅WiFi上網、同朋友傾計、打機，隨時未到目的地已經咩都無晒電。好彩 A350 每個電視下面都有 USB 充電位同AC電源插座，可以隨時為身上電子裝置充電，咁就可以帶少個尿袋上機啦！仲有，座位有個平板電腦支架，玩到手攰可以放上去，煲劇都夠晒輕鬆。

機上娛樂系統，想睇多多都有

邊個話上飛機就等於與世隔絕㗎？而家搭 A350-1000 經濟客艙一樣可以用 WiFi！大家就可以繼續上網，睇新聞、打連線遊戲啦！除咗自己部手機，飛機上面仲有娛樂系統，可以透過個人高清11英寸電視睇盡超過1,000小時電影、電視節目、音樂、廣播同遊戲，當中仲有唔少為香港人量身定制嘅內容。咁多選擇，仲點使 Download 定嘢上機打發時間呀！

座位設計承托頭頸，瞓覺唔使頸枕

搭長途機點都會瞓返覺，但以前飛機啲頸枕獨立拎得出嚟，都唔個乾唔乾淨，所以我都會自備頭枕。不過而家就唔同了！A350 嘅座位都由設計師Recaro採用符合人體工程學設計，座位都有一個可傾斜頭枕，足夠瞓覺時承托頭頸。另外，座位角度多個模式可以調校，只要坐低就可以瞓得舒舒服服！

Hushliner寧靜飛機，唔使再帶口罩、眼罩

一般飛機空氣都麻麻，所以有鼻敏感嘅我 Miss Sunny 都會戴個口罩，阻隔髒空氣之餘，令鼻前空氣更暖兼保濕。而 A350 嘅機艙壓力與濕度水平均有所改善，所以就連口罩都唔使戴了！加上 A350 有「Hushliner」（寧靜飛機）嘅暱稱，智能情境燈光照明同降低噪音水平設計都可以令睡眠唔受騷擾。咁就唔使將自己包到實一實，都可以瞓過好覺啦！

以後搭長途機就唔使帶咁多嘢，準備好去旅行嘅心情就夠啦！想知更多 A350 有幾好？即睇 ：http://bit.ly/2LgeSpA