【免費去旅行】Boarding Gate 驚現銅鑼灣｜即製登機證、贏歐洲機票！

Mar 7 2018

國泰航空公司由明天(3月8日)起一連4日會大送歐洲機票，不單只放了三個 boarding gate 喺銅鑼灣 Fashion Walk 畀大家盡情打卡，玩埋小遊戲仲有機會獲得兩張來回歐洲的經濟艙機票，嚟緊4日會經過銅鑼灣的話不能錯過！

文、圖：Kassidy

坐國泰遊歐洲晚飛早到

今次國泰舉行這個活動，主要是用來宣傳飛歐洲的賣點「凌晨上機、朝早落機」，乘客可以在飛機上抖足精神，由落機的一刻開始遊覽歐洲！而今次仲有特別賣點，就是國泰在今年新增了三條飛歐洲的航線，分別是布魯塞爾、都柏林跟哥本哈根。

據統計，香港人去機場影得最多嘅位置一定是 Boarding Gate 位！而國泰就將 3 個 Boarding Gate 搬去銅鑼灣，可以盡情影相。在銅鑼灣見到 Boarding Gate 絕不怕，即刻走埋去影返張相先。

一去到可以先到櫃台排隊填資料印登機證，紀念登機證上會有名字、機票目的地跟到達時間，張張都獨一無二，無錢飛歐洲不如印住一張扮住先。

要贏機票就要玩小遊戲，玩嘅方法好簡單，只要拎住張有自己名的紀念登機證，就可以去最後一個 Boarding Gate 到玩遊戲，畀張機票空姐掃 QR Code 就可以。登機證上會有一個到達時間，只要撳中到達時間就可以獲得機票目的地上的兩張機票，即時頒獎！

要在1分鐘內撳到時間其實絕不容易，因為純靠運氣。時鐘不是以計秒方式運行，而係不斷閃出不同數字，所以要撳中純靠運氣，如果眼力較好也許能靠少許技術，但一般人可以「聽天由命」隨便撳。

撳唔中都可以參加活動的大抽獎，雖然唔係即場拎到張機票，但都可以在3月29日留意星島日報跟英文虎報，會公佈3套共6張機票（香港來往布魯塞爾、都柏林跟哥本哈根）的得獎名單！

#醒晨遊歐洲
日期：
2018年3月8至9日5pm-9pm
2018年3月10至11日12nn-8pm
地點：銅鑼灣 Fashion Walk
網址：國泰航空

關鍵詞