搶購! 嘉頓出迷你焗爐 ~ 儲印花儲埋麵包條碼!
廣告
香港寸金尺土，想喺廚房放部大焗爐並唔係一件易事。嘉頓最近就推出咗限量版迷你焗爐，好適合窩居一族。呢款迷你焗爐同市面上一般嘅多士焗爐不相伯仲，性能未必及大型焗爐，但其實都可以焗到好多嘢食㗎！迷你除咗夠輕巧同慳位之餘，仲幾方便，喺朝早臨急臨忙唔需要睇火就可以煮到個早餐，亦都可以輕鬆煮到餐簡單嘅一個人的晚餐。
嘉頓限量版迷你焗爐
迷你焗爐尺寸
闊：8.9 吋
深：12.8 吋
高：9.7 吋
焗盤尺寸
闊：5.5 吋
深：9.5 吋
高：0.5 吋
而今次推廣嘅嘉頓生命麵包及三文治方包共有14款，如果買咗其他嘉頓嘅產品，就換購唔到迷你焗爐，記得留意返。
嘉頓限量版迷你焗爐換購價為$220，換購推廣由2016年4月8日開始至5月31日，憑3個指定嘉頓生命麵包或三文治方包包裝上嘅條碼，就可到指定換購中心以換購迷你焗爐一個。而換焗爐仲可以順便做埋善事，因為換購價當中嘅$5，嘉頓會捐出予指定慈善團體，一舉兩得。
查詢詳情
網站：www.garden.com.hk
電話：2360 3160
換購熱線：2578 8126
多士、pizza一樣焗到！
迷你焗爐最適合用於短時間嘅烤焗方式，適合少份量，體積不大嘅食物。可以焗多士、熱狗、Muffin、Pizza，甚至雞翼等。而嘉頓出產嘅焗爐上亦有提示，例如焗多士大約需烤焗2-3分鐘；焗熱狗大約需烤焗3-4分鐘；焗Pizza大約需烤5-9分鐘。
不過，基於迷你焗爐實在太迷你，而且唔可以調教熱力度數，所以體積太大嘅食物或者溫度需要控制得好準確嘅食物，例如馬卡龍，就唔可以放係迷你焗爐烤焗喇。
除咗以上各款美食，迷你焗爐都可以焗到唔到種類嘅食品，「嘉友會」及嘉頓麵包 FACEBOOK 亦會不定期上載健康又百搭的「至營食譜」，詳情可瀏覽嘉友會網頁 www.garden-loyaltyclub.com.hk。
延伸閱讀：
