周末短假期 澳門住宿 、美饌低至8折@Travel佳

中秋國慶長假期眨下眼就過咗，唔通要眼光光等到聖誕先有假放？No Way！正所謂「長假不如短假」，與其等到聖誕，不如短短地嚟多幾個周末小旅行，可能仲梳乎！阿佳今期又有星級 澳門住宿 、餐廳同水療推介兼信用卡著數，睇完即訂今個weekend就可以出發喇！

金沙度假區 住宿連早餐85折

澳門住宿 選擇多，點揀好？位於氹仔嘅澳門金沙度假區，就雲集多間極具人氣、兼夠特色嘅星級酒店！好似坐擁澳門閃爍新地標──澳門巴黎鐵塔嘅「澳門巴黎人」，除咗每晚有燈光滙演外，酒店大堂仲有街頭藝人表演同特色商店街，就好似置身巴黎咁悠閒；以意大利威尼斯水鄉風貌為建築藍本嘅「澳門威尼斯人酒店」，就以室內大運河、大型購物街同偌大舒適嘅酒店房間為賣點；「澳門金沙城中心康萊德酒店」鄰近澳門世界遺產城區，朝早可以出去觀光感受澳門文化，下午返酒店食好嘢兼歎世界，行程夠晒豐富！而以金色外牆吸引你眼球嘅「澳門金沙」，就以豪華住宿、餐飲，娛樂場同精彩表演節目為賣點，而家Mastercard持卡人入住以上酒店即可享住宿連早餐套票85折優惠！

澳門瑞吉 8折享專業管家服務

住酒店都有管家幫你打點一切？澳門瑞吉都算第一家！入住一刻，你嘅24小時專屬管家已經為你整理好房間同所需用品，仲有手寫嘅welcome message同小字條提醒你聽日嘅氣溫，咁窩心，難怪成為2016年TTG中國旅遊「澳門最佳新酒店」！Mastercard持卡人可享最優惠房價8折，當中包括雙人每日自助早餐、免費高速上網、雙人歡迎飲品同食品8折優惠。

雅舍餐廳 85折歎藝術感美饌

不論帶住媽咪定係女友同行，都好應該安排番餐fine dining氹下佢開心！位於澳門瑞吉酒店1樓嘅高尚食府「雅舍」，主廚每日由世界各地搜羅最新鮮、合時嘅可持續發展食材，配合好似大師級藝術品咁精緻嘅原創食物造型，炮製別樹一格嘅新派西方美食，如果你係Mastercard持卡人，享用食品同非酒精飲品仲有85折優惠！

瑞吉酒吧 特色雙人下午茶85折

鍾情藝術同生活品味嘅你，一定要嚟澳門瑞吉酒店嘅瑞吉酒吧！餐廳內四圍都會見到唔同藝術大師嘅作品，可以一邊歎住特色雞尾酒，慢慢欣賞。吸引我嘅仲有佢個西式雙人下午茶，三層架放滿精緻又好味嘅手指三明治、烤餅同蛋糕，配番杯english tea或咖啡，超歎！Mastercard持卡人於瑞吉酒吧尊享食品及非酒精飲品85折！

銥瑞水療 酒店頂樓歎Spa

一邊欣賞路氹金光大道美景，一邊享受按摩水療，真係諗下都夠爽！銥瑞水療位於澳門瑞吉酒店嘅頂層，可以居高臨下飽覽澳門靚景，中心有10間以寶石命名嘅理療套房，提供以寶石為概念嘅主題水療、美髮同美甲服務；套房內仲設有獨立浴室、按摩浴池，私隱度夠晒高！逢星期一至五用Mastercard買單項水療護理有8折，星期六、日就9折，而任何日子惠顧水療護理同美髮造型產品仲有85折！

以上優惠推廣期由即日起至2017年12月31日，須受有關條款及細則約束，詳情請瀏覽www.mastercard.com.hk/bestofmacau。