台南大熱！三更半夜排隊搶購 壽奶茶
廣告
講起台灣奶茶，好多人都會諗起上星期正式殺入香港的「純萃。喝」，不過台灣的好味奶茶又點只一間咁少！近排台南市出現神秘人龍，一班奶茶迷半夜三點開始排隊等自動售賣機，等呀等……可惜 壽奶茶 分分鐘天未光就賣哂，排隊都未必有得飲架！想知呢隻壽奶茶點解可以奪得台南人的歡心？睇埋先評論啦。
1. 認真沖泡茶底
奶茶最緊要係咩？當然就係奶同茶啦！ 壽奶茶 的茶底與坊間奶茶店唔同，淨係煮茶已經3-4小時，再加上事前準備及醒茶，售賣前的搖奶程序，每樽奶茶都要花上半日先完成，味道自然更特別。不過老闆溫馨提示，壽奶茶使用比較濃郁的奶精取代牛奶，建議大家飲用時適可而止，好貼心！
2. 100% Made in Taiwan (MIT)
老闆堅持 壽奶茶 要100% Made in Taiwan，所以唔單只奶茶原材料全部由本地生產，就連裝奶茶的樽及印字都搵台灣廠製造，每一啖都係純台灣滋味，難怪當地人個個大讚！
3. 全人手限量制作
奶茶產量不多，皆因老闆每日只能沖泡300樽奶茶，在人力有限的情況下當然會限制奶茶產量。但正正因為每一個工序都親自主理，先顯出奶茶與坊間產品不同，排隊等下都值得！
4. 口味夠吸引
現時奶茶只有兩款主要口味，包括以紅茶作底的白蓋壽奶，入口味道較濃郁，以及用紅茶、香片作底的黑蓋麥奶，全程麥子熬煮，不含咖啡因。另外老闆亦有研發抹茶奶茶，但發售日期不定，想試限量口味全靠運氣。
壽奶茶購買位置（只限台南市發售）
1.販賣機
地址：台南市萬昌街155號（顯示地圖)
2.餵公子吃餅
地址：國華街二段159號（顯示地圖)
3.荷糖動物食料
地址：東區裕豐街35號（顯示地圖)
4.東城麵家
地址：民權路二段78號（顯示地圖)
圖片及資料來源：壽sweet奶茶專賣
延伸閱讀：
台灣爆萌地圖 廣東話內容任你拎
心心眼！台灣TOP4「 小鮮肉 」餐廳
