可能是世界上最好吃的酥皮 @陳細
廣告
我估去過法國旅行或即將要去法國旅行嘅你地，一定有試過/準備去試果 D 食一啖都嫌糖尿嘅甜品 ? 如果你好似我一樣唔喜歡吃太甜的話，其實法國一樣唔會令你失望…
由於今早我吃了個好味到上帝都會妒忌的包仔，所以忍唔住要畫出來分享下。講起法國麵包, 大家會立即諗起長法棍, 身邊有唔少朋友都話法棍好好味, 法國人更加係日日當飯食, 唔… 初出爐還好啦, 放一陣就已經硬到可以用來打仔，肥鬼的笑話集中亦經常出現 :「當年德國人打到法國, 我哋就係拿住條隔夜法棍打仗架啦!
-_- 哦, 於是你可以想像食慣軟綿綿中式蒸包, 係好難對法棍產生愛慕…
所以法蘭西麵包界來說, 我最鍾情還是 croissant 牛角包, 不過淨係牛角包又嫌佢油淋淋兼少少齋 (係我係麻煩死港女), 而 pain au chocolat (直譯咪是朱古力包咁簡單! ) 就完全可以滿足我啦! 緊要過 33 層好鬆化, 每層都夾住朱古力, 熱食更加是天堂的大門都打開了(誇唔誇D) !!!!! 我敢肯定呢隻包仔在每間法式 pastry 都可以找到, 玩法亦千變萬化, 除咗朱古力, 酸酸地的杏桃和蘋果蓉都係必試之選! 相信呢隻野o係香港都隨處可見, 不過法國人整既法包真係好味 D, 酥皮仲可能係全世界最好味 ( 肥鬼馬上自high : 法國的麵包根本是全世界最好味啦) !
