低至 半價遊澳門 ！ 抵玩+自助餐推介@Travel佳

嚟緊5月頭又有long weekend，你唔會諗住剩係留喺香港啩？阿佳認為「人生就是不停的旅行」，所以我已經一早book定酒店、船飛，諗好晒節目同屋企人去澳門玩番轉。你又心思思？係咁易同你開心share下我個行程，同埋金光飛航船票、食嘢等嘅買一送一優惠，睇下點樣至 半價遊澳門 啦！

玩樂推介1：全球最高8字形摩天輪

摩天輪好多地方都有，唔係話高就勁嘅，仲要夠特色！呢個位於新濠影滙嘅「影滙之星」，係全球最高嘅8字形摩天輪，設計概念源自荷里活巨製嘅震撼場景，就好似有兩粒小行星衝擊大樓外牆咁，留低兩個大洞形成完美嘅「8」字。摩天輪去到最高點有成130米，可以好開揚咁欣賞澳門景致。而家用Mastercard買成人標準門票有9折！

玩樂推介2：蝙蝠俠主題4D館

如果你好似阿佳咁係蝙蝠俠忠粉，就一定要去新濠影滙內全球首個以蝙蝠俠為主題嘅4D多媒體飛行體驗「蝙蝠俠夜神飛馳」，喺栩栩如生嘅電影世界，你可以孖住蝙蝠俠坐上型爆嘅蝙蝠戰機，喺葛咸城嘅大廈間左穿右插、拆穿破壞王小丑、雙面人同班恩嘅奸計，視聽感官一定超震撼！

玩樂推介3：「三合一」國際魔幻show

講到魔術表演，相信不論男女老幼都會睇得好開心！喺新濠影滙舉行嘅「魔幻間」，由世界知名魔術大師法蘭茲．哈拉瑞 (Franz Harary)打造，最特別係大師因應唔同表演項目，悉心設計咗3間獨立魔法劇院，輪流上演令大家睇到嘩聲四起嘅彩魔術絕技，吸引全球嘅魔術愛好者嚟朝聖。

玩樂推介4：小朋友最愛卡通樂園

一家大細去澳門玩嘅朋友，阿佳推介「華納滿Fun童樂園」！呢個親子遊樂園佔地有成40,000平方呎，以華納兄弟同DC漫畫英雄為主題，熟悉嘅角色人物會喺互動專區同大家見面互動，另外仲有適合唔同年齡小朋友嘅互動遊樂設施，好似「華納極速迴旋」宇宙飛船、「貓鼠鬥智樂園」、「巨型香蕉滑梯」等等，園內亦有禮品店、主題餐廳、動畫劇場、生日派對專屬場地等等；用Mastercard買標準門票 (包括成人及小童入場門票各1張，玩2小時)，另加成人門票同樣有9折。

滋味推介1：人氣海鮮自助晚餐

玩咗成日，夜晚一定要食番餐好！若然撞啱星期五或六晚，去澳門金沙城中心喜來登大酒店嘅盛宴，可以歎到「海鮮盛宴」自助餐，回本菜式有即開生蠔、波士頓龍蝦、阿拉斯加雪蟹腳、法國麵包蟹、魚生等等，可以話超豐富！星期日至四餐廳提供國際風味自助餐，主打亞洲、葡萄牙和澳門菜餚，仲有即製麵食同北京烤鴨等菜式，同樣吸引㗎！

滋味推介2：周日靚景歎brunch

上一餐海鮮食得唔夠喉，不妨試埋喺同一間酒店嘅班妮意大利餐廳，佢個周日半自助早餐唔講得笑，除咗要揀選嘅熱湯同主菜，自助餐枱仲有大量海鮮，龍蝦、阿拉斯加長腳蟹蟹腳、海蝦、海蟹、海螺、青口、蛤蜊……亦有意大利進口芝士、風乾火腿、沙樂美腸、沙律小食、甜品等等，絕對可以食到捧住個肚走呀，訂位click呢度！

半價遊澳門 交通優惠：金光飛航頭等低至5折

坐過金光飛航嘅頭等艙，真係坐唔番普通艙！因為頭等艙有超舒服嘅對坐式連桌座位，有免費小食、飲品，仲可以優先落船，等你有真正嘅放假享受！World或World Elite Mastercard持卡人有福喇，由2017年4月18日至7月14日，你哋坐金光飛航頭等艙船票有買一送一優惠，而所有Mastercard持卡人全年都有8折㗎！

以上優惠推廣期由即日起至2017年12月31日，須受有關條款及細則約束，詳情請瀏覽www.mastercard.com.hk/bestofmacau。