出Trip去到盡! 《 新假期 》旅遊組2016巡禮
＃01我 要 做 吉 祥 物 經 理 人!
去過邊?
去年我足足飛咗去熊本3次(春夏秋天各一 )，約會偶像 Kumamon， 令《 新假期》成為熊本熊出沒率最高嘅旅遊雜誌……
會去邊?
2016除咗好想繼續Keep住「追星」之外，更加會「發掘」更多具潛力新人，希望做記者之餘、升呢做埋其他縣的吉祥物經理人！Yoroshiku！多多指教！
＃02去 到 非 洲 都 要 食 好 西
去過邊？
2015年 最難忘是去了3次法 國，每次在巴黎都吃到感動的味道，其中 一次到訪法國Le Creuset 廠房，作為香港首個參觀 LC 的傳媒，見識㷛王製造過程(兼掃貨)，感受法國人對工藝的執著，認真大開眼界！
會去邊？
手上正籌劃踏足從未去過的非洲，玩Glamping、睇動物、繼續食好東西，趁著有心有力還有想像力，2016年 我．要．遠．走．高．飛！
＃03去 勻 日 本 4 7 個 縣
去過邊?
到訪過日本廿幾次，去年首度踏足廣島縣，與萌爆小兔小貓相處數天，再冷漠都會被融化！難得可以避開東京大阪的爆買人潮，旅行更有實在感！
會去邊 ?
發掘港人遊日本的「盲點」仲有新鮮玩法及鮮為人知的秘景，包括京都最新鐵道博物館及「日本威尼斯」伊根舟屋，期待！
＃04移 住 台 灣like a local
去過邊?
今年差不多遊遍整個台灣，最難忘阿里山的日出雲海、喪食麻辣鍋和在墾丁成功學識衝浪！
會去邊?
已約定了民宿主人今年盛夏墾丁再見，可惜小記的國語仍未練成台妹腔，眼見愈來愈多港人「移住台灣」，正在 計劃系列式報道，掟走蜻蜓點水式行程，教你 Travel like-a-local！
＃05極 地 打 工 捕 獲 自 己
去過邊?
之前去過一趟挪威追極光，諗住順路捕獲北極熊，點知當時係冬季佢哋要冬眠，所以緣慳一面！
會去邊?
今年計劃夏季去格陵蘭問下有冇打工假期，睇下傳聞北極熊減肥成功瘦過我係咪真有此事！我在此呼籲商界唔使捐錢畀大學，施捨個零頭過我都得㗎！
＃06 制 霸 日 本 購 物 地 圖！
去過邊?
去年用了3星期時間走到暌違4年的日本東北，親眼看到正在復興中的福島，遇上努力回復正常生活的福島人，一 切一切都成了難忘的回憶。
會去邊?
重點放在日本各縣的lifestyle shops 和跳蚤市場，鎖定目標包括関西蚤の 市、東京蚤の市，還有Tokyo Outdoor Weekend等，為集齊「 47県購物地圖」而努力。
＃07少 時 live chat 登 少 女 峰
去過邊?
2015走過濟州秘景、歎峇里最豪 Resort；年尾直闖瑞典雪地諗住凍少少，結果因為防曬唔夠變作黑炭回歸……
會去邊?
2016將會繼續挑戰自己極限，趁還是少女時遠征瑞士少女峰，跳出紙媒在 Top of Europe網上直播流一滴汗，如無意外應該繼續日曬雨淋，想搵防曬代言人不妨 call 我！
＃08韓 遊 夜 蒲 撮 合 自 己
去過邊?
感受過越南車來車往、沙塵滾滾，泰國布吉的陽光海灘，不過次次出 Trip 都著到爛撻撻，連泰仔都唔望！
會去邊?
下年主場放去首爾，搵返啲潮味，搜羅最新的食、買、玩！換返身韓妹 look，去埋潮興hunting bar，實行教大家點樣識位靚仔 oppa！
延伸閱讀
