光化門新開幕 $1,200住4星商務酒店|首爾|

去首爾想住好啲，不妨選擇比較年輕的商務酒店品牌Shilla Stay，今年一口氣在韓國開咗五間酒店，單在首爾就有西大門、麻浦和今個月剛開幕的光化門分號，講到位置最方便，麻浦鄰近弘大、梨大購物區；光化門店則毗鄰光化門地鐵站，10分鐘內可以步行到景福宮、首爾市政廳等歷史及文化景點，轉戰去明洞、仁寺洞都只係幾個地鐵站，算係方便！新酒店更有開業優惠，在1月底前入住只需W181,000/HK$1,200包埋早餐，兩個人拉勻只不過600蚊，真係抵到爛！