倫敦LEGO旗艦店 積木印你個樣！全球唯一神奇機器@Leicester Square
廣告
對於樂高迷，有咩開心得過將自己個樣印上Lego？
最新 倫敦LEGO旗艦店去年11月才開幕，號稱全球最大，最最最期待的是全球首台「樂高即影即有」機器，可以即場拍攝及製作各人的肖像Lego，將自己「貓樣」變成馬賽克樂高！（文章底部有片）
撰文：Venus@天才女行社 | 攝影：Scott、Him
即影大頭！5分鐘變LEGO馬賽克
倫敦LEGO旗艦店 設全球首台Mosaic Maker，原理就似影證件相，即是於地鐵常常見到那種Photo Booth，以即影即製方式，造出你肖像的專屬LEGO 馬賽克。有無咁神奇？我當然九秒九衝去試！
拍攝完成，好緊張啊！！！
記者總評
一幅2D 馬賽克LEGO 索價£99.99/HK950。講真，認就未必一下認到係我，收得呢個價錢，其實應該有多幾種深淺灰色粒粒，就可以精確啲。
整體來講，肉赤就肉赤，其實計落跟不少大盒LEGO 差不多，勝在獨一無二，又是全宇宙唯一一台官方Photo Booth，鐵粉整返件來供奉啦！
回港即急不及待「拆禮物」，我按照1:1馬賽克圖一粒一粒砌，大約用了90分鐘就完成。睇下以下開箱Video啦！
