【今期必試零食】爆紅！綠茶可樂與抹茶梳打！
1.日本金賞綠茶可樂（推！）
上期講過香蕉味汽水，今次就講吓綠茶可樂。不過可以放心，呢隻新味係得金獎之作，飲落比一般可樂多氣好多，既飲到可樂味，又飲到淡淡綠茶味，兩者出奇咁夾，餘韻清新，貴少少都一定要試！
OK 便利店
電話：2991 6337
如果驚我哋介紹完都好快斷市，可以考慮去旺角呢個抹茶甜品店試試新推出嘅抹茶梳打，有Blogger試飲過大讚有抹茶味之餘唔會過濃而苦澀，甘香又清甜！
很美的漸變綠！ OK早前新出了抹茶汽水，未試到就被一搶而空。幸好這裡也有抹茶梳打讓我一試！ 抹茶味剛好，清香帶甘甜，不會太濃或太淡，非常適合用來配襯各款甜點。 抹茶梳打 Matcha Soda Drink $36 GUM “JENG!” X 御前上茶 旺角廣華街13號廣輝大廈地下4-5號舖 #hkfoodtalk旺角 #hkfoodtalk抹茶 #hkfoodtalk飲品
A photo posted by @hkfoodtalk on
GUM”JENG” x御前上茶
•地址：旺角廣華街13號廣輝大廈地下4至5號舖 (顯示地圖)
•營業時間：7pm-11pm
2.懶人恩物即沖燕麥
睇盒面介紹話係紅豆湯，點知沖出來是燕麥居多，不過唔緊要，反正都係好食又有益，最抵讚係不會太甜，反而粒粒杏仁、紅豆、提子、燕麥的 原味仲喺度，感覺更加健康。
3.像真度高飯焦糖
天氣凍，煲仔飯的飯焦令人回味，估唔到糖都出飯焦味，貪新鮮即管一 試，竟然有驚喜喎！入口除咗有甜味，仲有少少帶苦的焦香，有點似咖啡糖，之後又會有陣陣飯味滲出，一粒糖做到咁像真又多層次，好嘢！
4.極重口味大蝦粉絲（最伏！）
出街食大蝦粉絲煲，總係會油到膩，呢個叮叮粉絲雖然係非常乾身，選用的南美白對蝦亦無霉味雪味，可惜泰式香料落得太多，變成好聞唔好食，而且食落非常鹹，建議配一碗白飯，係重口味人士專用。
5.北海道土產朱古力
呢款粟米朱古力，係人都知是北海道名物，粟米有粟米香，朱古力唔係死甜都係常識吧！獨立包裝最方便儲存，今期Sogo做緊周年感謝祭做緊特價，買定擺喺公司，一定食唔停口呀！
崇光超市(銅鑼灣店) （顯示地圖）
電話：2833 8338
6.冬日限家甜味薯片
聖誕將至，卡樂 B 就出咗隻法式焦糖燉蛋味薯片來應節，記者率先試味，覺得食落先鹹後甜，最後有一陣奶油香，喜唔喜歡就見仁見智，最抵讚嘅係包裝有新意，一款口味有四款包裝設計，每款都印有不同訊息，其中一款係留白的 Message box，可以自己寫嘢，夠浪漫。
