$5,000起飛 德國 平玩復活節

一般飛德國慕尼黑或法蘭克福，如是六、七千價位的機票，至少要轉一次機，想舒舒服服坐直航，坐底過萬幾。德國 漢莎航空推出超正優惠，以2月下旬至3月上旬最平，香港直航慕尼黑連稅$4,969起、法蘭克福連稅$5,088起。坐言起行聖誕前飛法蘭克福連稅只$5,573，食三 日元旦假、倒數完先返來囉！如怕太急，下年旺季復活節更筍，以3月21去29日返為例，食正三日紅假，連稅都只需$5,826，想去德國食復活蛋、參與春季傳統大巡遊，切忌守株待兔，最後出票日期是本周五！