非買不可 ! ５大 九州心動手信

1）九州心動手信 福岡縣 大大粒士多啤梨

福岡盛產士多啤梨，6月出發到福岡市個多小時車嘅「明果園」度摘士多啤梨就最啱！只需百多港元就可以在園內任食大過雞蛋嘅士多啤梨，想食多啲仲可以加多少少錢食甜品放題。而福岡市內各大小超市，都有大大粒嘅士多啤季出售，上機前不妨買返盒返屋企！

明果園
網址：www.meikaen.net

2 ）熊本縣 超甜蕃茄

熊本縣出產的蕃茄出名超甜又多汁，既有厚肉蕃茄，又有產量冠絕全日本的小蕃茄，擁有『太陽之子celeb』美譽嘅之稱嘅熊本蕃茄，出名鮮甜多汁，糖度比一般蕃茄高足足1.5倍, 粒粒都圓碌碌，紅卜卜，淨係睇外表已覺得相當吸引！

3）宮崎縣 宮崎三兄弟手信

假如你鍾意宮崎縣吉祥物宮崎三兄弟，咁就千其唔可以錯過宮崎物產館KONNE！入面有好多以宮崎三兄弟為主題嘅得意手信，包括BB衫、環保Tote Bag、毛公仔，仲有特色「日向夏」、芒果啫喱炮製嘅特色小食，想帶可愛手信返屋企嘅千其唔好錯過！

みやざき物產館KONNE
網址：www.m-tokusan.or.jp

4 ）福岡縣 100%手作布鞋

名為「SHOES LIKE POTTERY」嘅手作布鞋來自福岡，全手人製造，每年只生產千多對。採用傳統製法「加硫製法」製鞋，增加每雙鞋的彈性、耐磨性及抗腐蝕性。雖然每雙售價近千元，但由於手工精細，舒適耐用，深受對生活品味有追求嘅潮人力撐，而福岡潮店Good Weaver更有紅、藍、黃限定色發售。

Good Weaver
網址：http://goodweaver.jp

5）鹿兒島縣 觀光列車名物

慢遊鹿兒島縣最好嘅方法莫過於乘坐觀光列車，旅客更可在車上品嘗地道便堂。而當列車駁經不用車站，旅客不妨到站裡的小食亭，購買當區居民炮製嘅地道美食。呢個位於肥薩線「おれんじ食堂」觀光列車，
水俣站嘅柑橘啫喱，超清甜又解渴，富果香，而且唔會太甜，值得買返去做手信！

更多詳情：https://wonderkyushu.com/