中山美食5大推介｜即叫即炸黑松露乳鴿＋新鮮脆肉鯇一魚六食
中山美食5大推介｜即叫即炸黑松露乳鴿＋新鮮脆肉鯇一魚六食
中山美食｜1. 馬喜鴿．吃鴿大排檔
「馬喜鴿．吃大排檔」是當地一間人氣排隊店。招牌菜式—黑金鴿外層塗滿咗秘製黑松露汁～而且即叫即炸，外皮酥脆之餘，一搣開即爆汁鴿肉超級嫩滑！另外亦推薦大家叫有濃濃蛋黃味嘅鹹蛋粟米燒蝦、肉質又彈牙又爽脆嘅藤椒啫啫脆肉鯇同埋砂鍋煮兼帶惹味鍋巴嘅石岐大鴿飯呀！
餐廳詳情
中山美食｜2.豐裕灣·脆肉鯇 (南區店)
喺中山擁有多間分店嘅「豐裕灣·脆肉鯇」一直都好受當地居民歡迎，最大特色當然係一魚多食，仲可以自己喺水缸度親自挑選再交畀師傅現劏，保證新鮮呀！烹調方法種類豐富：椒鹽魚骨、魚腸蒸蛋、手打魚蛋、豉汁蒸脆鯇腩、清水鯇魚片等，充分利用每一個部位，完全冇浪費～
餐廳詳情
中山美食｜3. 鴿譽軒·藥膳鴿火鍋
開業已經30幾年嘅中山老字號「鴿譽軒·藥膳鴿火鍋」主打菜式為藥膳鴿，使用滿滿中藥底材及花費大量時間燉煮嘅特色湯底，已經係第三代傳承啦～味道濃郁又非常滋補，無論係男女老少都啱飲唔會熱氣。餐廳更有提供多款唔同食法嘅鴿：鹽焗、砂鍋豉油、紅燒脆皮及果木炭燒等，價格亦非常親民，平均每款只需¥45-48左右，可以一次過享受到多重風味！
餐廳詳情
中山美食｜4.亞金金
「亞金金」東南亞菜館，必食白咖喱海鮮麵～每一份都非常足料有齊原粒元貝、扇貝肉、魷魚同蟹柳，喇沙湯底濃郁而唔膩，配上煙靭手工麵簡直係停唔到口！另外餐廳嘅飲品亦都絕唔馬虎，酸甜平衡啱啱好又清爽嘅金檸果香檸檬茶、茶味香濃重帶奶皮嘅拉茶。加上價錢非常抵，主食最貴只需¥29而其他小食或飲品都係10幾蚊左右，CP值超高！
餐廳詳情
中山美食｜5.Taan嘆·糖
食完正餐當然要歎返個甜品結束完美一日啦！呢間中西fusion嘅糖水舖招牌菜係焦糖雙皮奶，面頭有一層卜卜脆嘅焦糖薄片，內裏則係奶香味十足勁嫩滑嘅燉奶，甜度唔高所以唔使擔心好快膩。另一打卡必叫之選係碧根果綠水鬼，其實即係開心果糊配上有超級食物之稱嘅碧根果，開心果味濃郁而且亦打得細滑，啱晒Nuts控嘅朋友食！
餐廳詳情
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
