【中學入學試必睇攻略】真係好難？教你沖阿華田
廣告
考題的題目層出不窮，無準備好，隨時被人問到口啞啞！之前就有中學入學試問考生，點樣沖阿華田最好？！有見及此，我哋就為家長們搜羅咗幾種阿華田沖法，幫大家準備下入學試。去考中學入學試前，一定要教仔仔女女！
原來沖阿華田都可以好講究，我哋發現，阿華田可以分為三種沖法，分別係官方版、茶餐廳版同家用版。所以，答問題之前，其實要了解下對方想沖邊個版本。
最正宗答案 – 官方版
上阿華田官方網站，其實就有教到點樣沖阿華田(三合一版)。
- 將30公克阿華田加入225毫升熱水。
- 用湯匙攪，直至阿華田粉完全溶解，即可飲用！
罐後面亦有教另一種方法(沖劑粉版)！
- 將3匙阿華田粉加入熱牛奶
- 小心攪拌至溶解
- 加入適量砂糖，即可飲用
最地道答案 – 茶餐廳版
去過茶餐廳飲阿華田都知，個種味道同質感，同屋企沖喺有少少不同。因為佢地唔止用粉，重加左糖、花奶、水。
1. 將2大匙阿華田粉加入225毫升水
2. 加1大匙糖及小量花奶，即可飲用！
你真識食答案 – 家用特別版
網上就有人話，屋企沖華田除咗用阿華田粉，重要用煉奶！
1. 將2大匙阿華田粉加入1/3杯熱水同1/3杯凍水
2. 加1大匙煉奶，即可飲用
其實，加奶定加糖，凍定熱，都係因應個人口味。最簡單都係將阿華田粉加入熱水，攪拌直至阿華田粉完全溶解！至於，點解阿華田粉可以完美地溶喺熱水中？其實係一條涉及物理的問題！因為阿華田粉係溶質，只要加入熱水（即係溶劑），就會變成溶液，即係平時飲的阿華田！
加分題 – 最有營養薏米飲
天氣時冷時熱，香港官方Facebook教路，阿華田可以加入薏米飲，好健康！
終極加分題 – 答案
如果被人問，阿華田除咗飲，仲可以做咩？即刻答阿華田醬，用來搽麵包，一定有得加分！
