2016 不走堂在挪威行走-Restaurant Schrøder@甜仔

May 6 2016

去旅行搵食店，總會怕佢已經結業或是休息中。因為上網搵料，資料有時候係成年前既事，不會像香港更新得那麼快而及時。除非預先聯絡到店家，否則每次就只有碰運氣的份，去到睇下有冇開門。今次呢間係難得搵到有得食地道挪威菜，而價位亦是合情合理既店家。評價嗎？當然不是什麼人氣必食第一位，但也不乏支持者的。

跟住地圖行行下，明明話係轉角位，但我地見到既係便利店一大間。繼續行兩行，係就係有食店，但就係Cafe，或是Tapas之類。本打算放棄，沿路走著，怎料在地圖定位處前少少就喜見人群。抬頭一望，的確就係我地要搵既Restaurant Schrøder！人多多，但好彩都叫做剛好有一枱執到出黎，趕緊入內感受室內既溫暖。店內不少都係一大群人十個八個聚餐咁，氣氛熱鬧又唔會太嘈吵，感覺輕鬆而溫馨。

餐牌及價位如上，主菜通常係百零蚊，計番匯率同香港差唔多。重點係佢大大份（之後有相為證），主菜伴菜都足量，一人一份主菜都差唔多。飲品方面就不得不試當地既Aquavit，用到香料香草，一般酒精濃度約40%。

Linie Aquavit　NOK89 是挪威的本地品牌，非常有名的赤道酒。有聞此酒發酵後就會裝入Sherry橡木桶，上船後沿赤道航行兩次。經過氣溫及濕度的變化，會令其香氣更突出，感覺更為順滑醇美。葛縷子及八角香氣充實濃郁，一陣一陣的散發出來。而烈酒本有的嗆感止於一瞬，漸漸也帶出點點芳香甘甜，順口味香。

小酌之後就要來談談吃了，驟眼看來，似乎只有兩款食物，一魚，一肉吧？不！那只是伴菜相約，但我們點的可是全部都不一樣啦！

20160123_191915 — Reinsdyrkarbonade　NOK159

20160123_192955 — Reinsdyrkarbonade　NOK159

Reinsdyrkarbonade　NOK159 這是北歐常見的野味菜－－馴鹿肉餅。鹿肉感覺跟羊肉有點相像，只是那羶味重些少，肉質也是綿綿潤潤的。這家做的肉餅頗好入口，未會羶得過份，但不見腥味或是重重的膩感。加入些少香料黑椒辟味，恰到好處，不會蓋過鹿肉的肉香，稍為焦過就更香口了。加上微鹹的醬汁，又有果醬酸酸甜甜的開開胃，一旁的酸菜亦有去膩之用。要飽肚的話就得靠微甜的豌豆泥及烚薯仔，基本上一盤吃完也有八分飽。

不吃肉餅的話，也可以點選店家的手製肉丸KjøttkakerNOK149。比起IKEA或是超市買到的細粒肉丸，自家製作的肉丸可是大大球的。質感也較為稔軟鬆化，非韌韌實實或者彈牙爽口，可以當佢係厚身肉餅。不算太膻，不過下的黑椒滿多，微微香辣在其中，醬汁也濃味少許。配菜伴菜跟肉餅一樣，大大碟再一次是飽肚之作。

繼續的肉食天下，下一道菜就是最保守的烤豬肉片Svinestek　NOK139。豬肉烤熟烤香後片得薄薄的攤放於碟上，再澆上點點燒汁來。豬肉肉香不膻，幸好烤過也未會乾韌，片薄之後更不覺膩。燒汁的鹹度不會過高，所之配上薄薄的豬肉片也不會喧賓奪主的搶味。點點紅莓醬加上酸菜，醒胃拍擋，然後再次再次是烚薯仔的出現。

以上三款均為走地肉食，最後就來點不同的海裏鮮。Fersk Dampet Ørret　NOK149同是鲑科屬，有點像挪威三文魚。鱒魚肉質細緻，稍為有點太熟，略略顯老，但好在蒸煮而成不會太乾水。魚油不太重，香氣比較溫和，入口不膩，並不算過腥。這次沾的是酸忌廉，伴著青瓜片，顯然是要走清新風格，同場也有烚薯仔。