一大一路！全天候玩盡 澳門金沙度假區 @ Travel佳
仲有半個月左右就復活節，想一家大細出去玩？不過，帶住阿B去旅行，呢首歌真係唔易唱㗎喎…… 一嚟帶住阿B攞行李搭飛機勁唔方便，二嚟阿B咁細個，去fancy嘅地方真係唔化算！
計我話，近近哋去澳門就最抵又最啱玩喇~ 一家大細去玩番兩日，輕輕鬆鬆，孭個背囊、帶張身分證就搞掂！等我Travel佳介紹番，澳門4大最啱親子遊嘅景點啦~
1) 澳門巴黎人
澳門巴黎人開幕才剛半年，就已經成為澳門必到景點之一！小鐵塔夠晒華麗，影相夠晒呃like！唔講唔知，澳門巴黎人除咗啱情人去sweet sweet，其實仲好啱一家人去㗎~
巴黎鐵塔影相位
一場嚟到，點都要喺鐵塔前面影番張全家福！介紹番個影相位俾大家先~
- 連接澳門四季酒店及金沙城中心的星光之橋
可以行出室外拍攝鐵塔，1 shot影晒酒店+鐵塔，夠sharp醒！
- 鐵塔7樓及37樓觀景台
雖然影唔到鐵塔，但居高臨下，影盡澳門路氹金光大道風光，又係另1種風味~
（提提你，憑金光飛航船票票尾，即刻可以免費參觀澳門巴黎鐵塔7樓或以優惠價$65換購37樓門票喇！）
Q立方王國兒童地帶
原來酒店裏面仲有兒童室內遊樂場！滑梯、攀爬架、波波池等等，小朋友一定玩到流連忘返！仲有室外旋轉木馬，又grand又colourful，絕對係大人細路都必玩！
水世界
除咗遊樂場，仲有水上主題公園添！水世界以海盜做主題，有充滿玩樂設施嘅巨型海盜船，仲有3層樓高嘅透明滑水梯，一聽就知夠晒刺激！
2)「體驗夢工場——冰之歷奇」冰雕展覽
相信好多小朋友都勁鍾意夢工場嘅動畫巨星，好似史力加、功夫熊貓等。咁就啱喇！澳門威尼斯人金光會展正舉辦緊「體驗夢工場——冰之歷奇」冰雕展覽，由40位嚟自哈爾濱嘅冰雕藝術家，運用250萬磅嘅冰，雕出色彩繽紛嘅夢工場巨星！
除咗靚靚冰雕同震撼燈光音響效果外，仲有一系列功夫熊貓主題遊戲、美食、紀念品等攤位㗎~ 阿B仲唔開心死！
3) 「體驗夢工場」功夫熊貓之舞林盛宴
既然阿B咁鍾意夢工場，就唔好俾佢停喇，一於第2朝再食埋個「體驗夢工場」功夫熊貓之舞林盛宴自助早餐啦！早餐夠晒豐富好味道，不過重點都係有夢工場嘅粒粒巨星陪你一齊食，仲有得瘋狂selfie同睇舞蹈表演添！
4) Planet J 冒險王國
人人都有唔同嘅興趣，但我相信，每個小朋友都一定係鍾意打機嘅！澳門金沙城中心嘅Planet J 冒險王國，佔地成10萬平方呎㗎！入場嘅小朋友會化身「冒險使者」，拯救魔石王國……咁即係咩玩法呢？原來係每個人都會有1本電子設備「魔導卷」，有咗佢，就可以連接樂園內超過200部的遊戲裝置，展開魔幻旅程！喺現實生活打機，小朋友仲唔爆like！
澳門金沙度假區 後記
講講下係咪覺得澳門好啱一家大細嚟個叉電短trip呢~ 唔好諗啦，就趁呢個復活節幾日紅日go go go啦~ 永安旅遊出咗個澳門金沙度假區「冰之歷奇」2天自由行package，包咗金光飛航澳門來回船票、酒店住宿1晚可以揀住澳門巴黎人/澳門威尼斯人/澳門金沙城中心假日酒店/澳門金沙城中心康萊德酒店，再包酒店早或午自助餐，仲可以幫你免費upgrade做「體驗夢工場」功夫熊貓之舞林盛宴早餐添~唔止呀，仲有埋最新推出嘅「體驗夢工場 – 冰之歷奇」冰雕展覽門票！而家用手機訂，都係$689起咋！今個復活節，一於跟住我個行程，玩足2日，俾班細路盡情放電啦！
